Bareyo

Bareyo
municipality of Cantabria
Flago	Blazono
Administrado
Lando	Hispanio
Regiono	Kantabrio
Provinco	Kantabrio
Poŝtkodo	39170
Retpaĝaro	Retejo de Urbodomo
Politiko
Urbestro	José de la Hoz Lainz (PRC)
Demografio
Loĝantaro	2 021 (2013)
Loĝdenso	62,3 loĝ./km²
Geografio
Geografia situo	43° 29′ N, 3° 37′ U (mapo)43.482222222222-3.6108333333333Koordinatoj: 43° 29′ N, 3° 37′ U (mapo)
Alto	46 m [+]
Areo	32,44 km² (3 244 ha)
Horzono	UTC+01:00 [+]
Bareyo (Kantabrio) Bareyo
	Situo de Bareyo
Alia projekto
	Vikimedia Komunejo Bareyo [+]
	v • d • r

Bareyo [barEjo] estas municipo en la aŭtonoma komunumo Kantabrio. Ĝiaj limoj estas norde la Kantabra Maro, okcidente Ribamontán al Mar, sude Ribamontán al Monte kaj oriente Arnuero kaj Meruelo. Ĝi situas en la historia distriko Trasmiera.

La municipo enhavas tri loĝatajn vilaĝojn: Ajo [Aĥo], Bareyo kaj Güemes.

La municipo estas en la plej norda areo de la kantabra marbordo kaj enhavas la Kabon de Ajo, ĉe la enfluejo de la rivero Campiazo en la maro (Estuaro de Ajo). La marbordo de la municipo ampleksas plurajn strandojn kaj klifojn, kiuj allogas multajn turistojn dum somero. En la interna parto de la municipo ekzistas pluraj montetoj, ne pli altaj ol 230 metroj, kiuj konsistigas la Valon de Güemes.

Dum Mezepoko Bareyo apartenis al aro da vilaĝoj nome Sep Vilaĝoj, ene de la distrikto Trasmiera. En moderna tempo tiaj kunariĝoj de vilaĝoj malaperis kaj ekaperis la sistemo de municipoj. Tiam la vilaĝaro Sep Vilaĝoj malaperis kaj ekekzistis la nunaj municipoj. La nuna municipo Bareyo havis la nomon Ajo de la jaro 1822 ĝis 1835, kiam ĝi alinomiĝis al Bareyo.

Tamen, la municip-domo kiu agas kiel sidejo de la loka registaro plu estas en la vilaĝo Ajo.