Batalo ĉe Dobriniĉi
52° 16′ 56″ N 34° 20′ 30″ O / 52.28222 °N, 34.34167 °O (mapo)
Batalo ĉe Dobriniĉi (ruse Добрыничи) (nun Dobrunj, Suzemka distrikto, Brjanska provinco, Rusio) inter armeo de la Rusa Carlando kaj milittrupoj de Falsa Demetrio la 1-a okazinta la 21-an de januaro 1605 dum la Granda Malordo (Rusio), en kiu venkis reprezentantoj de tiama moskva registaro sub gvido de princo Fjodor Mstislavskij kaj militestro (estonta caro) Bazilo la 4-a Ŝujskij (Rusio).
Oktobre de 1604 armeo de Falsa Demetrio, kiu pretendis la rusian tronon, invadis en Rusion. Neniu preskaŭ ne rezistis, ĉar tiea loĝantaro multe suferis pro regado de caro Boris Godunov kaj atendis plibonigon de sia stato pro la nova potenculo, "carido Demetrio".
Komence de januaro 1605 la invadintoj atingis antikvan urbon Sevsk situantan sur ambaŭ bordoj de Sev rivero. La cara armeo kampis en vilaĝo Dobriniĉi situanta je 35 km apud maldekstra bordo de sama rivero.
Atakon kontraŭ rusaj regimentoj estris Falsa Demetrio mem. Kune kun sia gvidanto rajdis 400 poloj kaj 2000 kozakoj. Ties unua bato de la kavalerio kontribuis al la sukceso - ĝi povis dispeli la dekstran flankon de la rusa pozicio.
Tamen, kiam la atakintoj turniĝis kaj provis plu superi ilin renkontis kuna salva pafado de fuziloj kaj kanonoj rezultiginta plenan venkon. La infanterio estis ĉirkaŭigita kaj mortigita. Restaĵoj de la kavalerio fuĝis al la limo. Dum retiriĝo estis vundita ĉevalo de Falsa Demetrio kaj li preskaŭ estis kaptita. Tiam pereis ĉirkaŭ 7 000 invadintoj kaj 5 000 defendintoj.
Ĉi-venko estis grava kaj signifplena, sed ĝi ne haltigis la invadon. Moskvo, ĉefurbo de Rusio, estis okupita kaj la 30-an de julio 1605 Falsa Demetrio estis kronita kiel caro Dmitrij Ivanoviĉ.
Omaĝe al la 400-a datreveno de la batalo en 2005 oni establis la lignan kapelon.