Berta Kornai

Berta Kornai
Berta Kornai
Persona informo
Naskonomo	Kolber Berta
Naskiĝo	21-an de marto 1885 (1885-03-21) en Budapeŝto
Morto	18-an de oktobro 1950 (1950-10-18) (65-jaraĝa)
Ŝtataneco	Hungario
Okupo
Okupo	aktoro • kantisto

Berta Kornai, laŭ hungarlingve kutima nomordo Kornai Berta estis hungara operetkantisto, subreto. Ŝia origina familia nomo estis Kolber, ŝia geedziĝa nomo estis (laŭ hungarlingve kutima nomordo) Tóth Elemérné (pli malofte T. Kornai Berta).

Berta Kolber naskiĝis la 21-an de marto 1885 en Budapeŝto, ŝi mortis la 18-an de oktobro 1950 en Budapeŝto.

Biografio

Berta Kornai devenis el juda familio. Ŝi akiris aktoran diplomon en privata lernejo de Szidi Rákosi en 1902 (en aĝo 17!). Post la diplomo ŝi havis rolojn en pluraj teatroj, scenejoj, kie la repertuaro estis ankaŭ operetoj aŭ muzikaj teatraĵoj. Aparte menciindas Teatro Magyar kaj Gaja Teatro (1907-1910). Ŝi senprobleme solvis ankaŭ la dancajn rolojn. Ŝi edziniĝis en 1912, poste ŝi nur malofte akceptis rolojn (Operetoteatro (Budapeŝto), 1929), lastfoje en 1931.

Ŝiaj teatraj roloj (elekto)

• Árpád Berczik: A svihákok (debuto)
• Rezső Máder: Huszárvér - Stella
• Carl Millöcker: Szegény Jonathán - Molly
• Imre Kálmán:
  • Tatárjárás - Mogyoróssi
  • Az obsitos - Piroska
• Béla Mezey: Drótostót - Mici
• Owen Hall: Gésák - Polly

Ŝia filma rolo

• Tüzet kérek (1912)

Fontoj

• hungarlingva biografio
• hungarlingva biografio
• hungarlingva biografio (la koncerna teksto estas legebla en la 558-a paĝo)