Castejón de Valdejasa
| Castejón de Valdejasa | |||
|---|---|---|---|
 | |||
municipality of Aragon (en)   vd
| |||
|
| |||
| Blazono | |||
| Administrado | |||
| Poŝtkodo | 50613 | ||
| Demografio | |||
| Loĝantaro | 202 (2023) [+] | ||
| Loĝdenso | 2 loĝ./km² | ||
| Geografio | |||
| Geografia situo | 41° 59′ N, 1° 0′ U (mapo)41.9822716-0.99407220000001Koordinatoj: 41° 59′ N, 1° 0′ U (mapo) [+] | ||
| Alto | 521 m [+] | ||
| Areo | 110,122902 km² (1 101 2.2 902 ha) [+] | ||
| Horzono | UTC+01:00 [+] | ||
| |||
| |||
|
| |||
| Alia projekto | |||
 Vikimedia Komunejo Castejón de Valdejasa [+]
| |||
Castejón de Valdejasa [kasteĤON debaldeĤAsa] (en la aragona: Castellón de Val de Chasa) estas municipo kaj vilaĝo en Hispanio, apartenanta al la jurisdikcia distrikto de Ejea de los Caballeros, kiu situas en la Komarko Cinco Villas, nordokcidente de la provinco Zaragozo, en la historia regiono Aragono.
Geografio
[redakti | redakti fonton]Castejón de Valdejasa situas je 45 km de Zaragozo. Ĝia alteco sur la marnivelo estas 522 m. Ĝi havas areon de 110,1 km² (kvadrataj kilometroj) kun populacio de 216 loĝantoj (2021) kaj denseco de 2,57 loĝ/km². Ĝia poŝtkodo estas 50613. [1]
Castejón de Valdejasa limas norde kun Ejea de los Caballeros kaj Erla, oriente kun Sierra de Luna kaj Zuera, sude kun Zuera kaj Zaragozo, kaj okcidente kun Tauste kaj Ejea de los Caballeros.
En ĝia municipa teritorino ne ekzistas konstantaj akvofluoj, havante nur kelkajn interkrutejojn, ĉiuj el ili alfluantoj de la rivero "Arba".
La plej alta punkto en Castejón de Valdejasa estas la monto "Esteban", 747 m alta, kiu markas la limon inter la municipoj Castejón, Tauste kaj Zaragozo, sekvata de "Guarizo", 745 m alta.
Demografio
[redakti | redakti fonton]De la mezo de la 19-a jarcento ĝis 1950 ĝi ĉiam havis iom pli ol milo da loĝantoj, sed ekde tiam ĝi ade malkreskis. Jen datoj sekve:
| 1950 | 1960 | 1970 | 1981 | 1991 | 1996 | 2001 | 2011 | 2021 |
| 1.068 | 902 | 581 | 452 | 397 | 351 | 324 | 266 | 216 |
Historio
[redakti | redakti fonton]
Tiu ĉi loĝloko devenas de romiaj tempoj kaj estis parto de la vojo, kiu ligis Caesaraugusta kaj Pompaelo kaj pasis tra Ejea. [2]
Ĝia kromnomo "Val de Jasa" devenas el la 13-a jarcento. Ĝi apartenis al la kanonaro de "Santa Cristina de Somport=. Ĝis 1812, ĝi ne ĝuis propran aŭtonomion kiel municipo. [3]
Monumentoj
[redakti | redakti fonton]- Paroĥa preĝejo "Santa María la Mayor" (Sankta Maria la plej Granda). Ĝi estas laŭ mudeĥara stilo kaj devenas de la 16-a jarcento. [3]
- Ermitejo "Santa Ana" (Sankta Anna). Ĉe la supro de la monto, super la urbeto, elstaras la ermitejo de Santa Ana, konstruita en 1894. [3]
- Kastelo Sora. En la norda parto de ĝia municipo, sur "Monte Guarizo", kie superregas argilon kaj kalkŝtonon, tre markita de erozio, elstaras la silueto de la kastelo de Sora, proprieto de la dukoj de Villahermosa. [3]
Estas menciinde
[redakti | redakti fonton]La naturaj spacoj de la Montoj de Castejón.[4]
Estas vizitinda la miljara "Pino de Sora", majesta specimeno de pino (Pinus halepensis), kun pli ol 4 metroj de cirkonferenco en ĝia trunko. Ĝi estas katalogita kiel Unuopa Arbo de Aragono. [3]
En Castejón de Valdejasa estas famaj la vinagro-marinaĵa kuniklo kaj multaj aliaj pladoj, veraj plezuroj por la palato.
La vento-turbinaro "Monlora III" situiĝas en ĝia municipa areo, partumita kun la municipoj de Luna kaj Sierra de Luna. [5]
Festoj
[redakti | redakti fonton]- La 20-an de januaro, en honoro de "San Sebastián" (Sankta Sebastiano).
- La 25-an kaj 26-an de julio, omaĝe al "Santiago y Santa Ana" (Santiago kaj Sankta Anna).
- Tria dimanĉo de aŭgusto: "Virgen del Rosario" (Virgulino de la Rozario).
Vidu ankaŭ
[redakti | redakti fonton]- Aragona regioneto Cinco Villas. [6]
Referencoj
[redakti | redakti fonton]Eksteraj ligiloj
[redakti | redakti fonton]