Chéran

Chéran
	Chéran en urbo Ecole
rivero
Bazaj informoj
Situo	Francio
Longeco	53,7 km
Akvokolekta areo	350 km²
Averaĝa trafluo	7,77 m³/s
Fluo
Fonto	Verrens-Arvey
- Alteco super marnivelo	1 420 m
- Koordinatoj	45° 40′ 49″ N, 6° 15′ 27″ O (mapo)45.6802777777786.2575
Enfluejo	Fier
- Alteco	312 m
- Koordinatoj	45° 53′ 11″ N, 5° 56′ 0″ O (mapo)45.8863888888895.9333333333333
Geografio
Trairataj urboj	La Motte-en-Bauges, Alby-sur-Chéran, Rumilly
	Alfluantoj
- Dekstraj	Rojo de Bellecombe, Nant de l'Eau Salée, Nant des Bornières
- Maldekstraj	Rojo d'Aillon, Rojo de Saint-Francois, Dadon, Nephaz
	Chéran
	v • d • r

Chéran (prononcu [ŝerã]) estas rivero fluanta en la francaj departementoj Savoie kaj Haute-Savoie. Ĝi estas maldekstra alfluanto de rivero Fier, do subalfluanto de Rodano.

La pli granda parto de ĝia akvokolekta areo situas en la Reĝiona Naturrezervejo de la Montmasivo Bauges.

Ĝi fontas en franca departemento de Savoie, en montmasivo Bauges; ĝi estas unu el la rojoj defluantaj la okcidentajn deklivojn de monto Pointe de Sambuy (iuj al 2000 m de alteco), sur la komunumoj Jarsy, Clery kaj Verrens-Arvey. Ĝi poste fluas nord-okcidenten orte al la direkto de la montaj krestoj de tiu-ĉi masivo.

Ĝi trafluas École, La Compôte, Le Châtelard, La Motte-en-Bauges, Lescheraines, Arith, Bellecombe-en-Bauges.

Ĝi poste akvumas komunumojn de Haute-Savoie: Allèves, Cusy. Gruffy, Héry-sur-Alby, Mûres, Alby-sur-Chéran, Saint-Sylvestre Marigny-Saint-Marcel, Boussy.

Ĝi faras limon inter Sales kaj Rumilly, kie ĝi sinĵetas al Fier.

La trafluo de Chéran regule varias inter 12,5 m³/s (en aprilo) kaj 3,59 m³/s en aŭgusto. Dun sekeco, ĝi magriĝas ĝis 0,56 m³/s, sed en kazo de ŝvela akvo, ĝi preterpasas 200 m³/s: oni mezuris trafluon de 250 m³/s la 1-an de oktobro 1960 en Allèves.

Rivero Cheran estas konata enhavi buletojn da oro. Oni tion trovas ĉefe apud Alby sur Céran kaj Cussy. Legendo asertas, ke tiu oro devenus el la trezoro de la Templanoj.