Champfèr
| Champfèr | |
|---|---|
 | |
| vilaĝo | |
| Kantono | Grizono |
| Komunumo(j) | Silvaplana kaj Sankta Maŭrico |
| Geografia situo | CH1903: 782149 / 150137 (mapo)46.4777777777789.8108333333333Koordinatoj: 46° 29′ N, 9° 49′ O; CH1903: 782149 / 150137 (mapo) |
|
| |
| Nombro de loĝantoj | ĉirkaŭ 200 |
| Areo | ? km² |
| Alteco | 1799 m super marnivelo |
| Poŝtkodo | 7512 |
Champfèr estas vilaĝo en Supra Engadino. Politike la vilaĝo estas dividita inter la komunumoj Silvaplana kaj Sankta Maŭrico.
Geografio
[redakti | redakti fonton]Champfèr situas oriente de la Lago de Silvaplana ĉe la norda bordo de la rivero Eno. La norda parto de la Lago de Silvaplana cetere nomiĝas Lago de Champfèr. La vilaĝon dividas la rojo Ova da Suvretta. La parto okcidente de la rojo politike apartenas al la komunumo Silvaplana, dum la teritorio okcidente de la rivereto estas parto de Sankta Maŭrico.
Trafiko
[redakti | redakti fonton]Sude de la vilaĝo Champfèr pasas la kantona ĉefvojo n-ro 27, kiu en Silvaplana unuiĝas kun la kantona ĉefvojo n-ro 3. La vilaĝo estas konektita al la publika transportreto per poŝtaŭtolinio de Sankta Maŭrico al Chiavenna en Italio. Tra la vilaĝo mem pasas flanka vojo de Silvaplana al Sankta Maŭrico.
Lingvoj
[redakti | redakti fonton]La plej granda parto de la loĝantaro estas dulingva parolante la romanĉan kaj la germanan.
Historio
[redakti | redakti fonton]La unua dokumenta mencio de Champfèr datiĝas el la jaro 1139 kiel Campofare.[1] Champfèr dividas sian historion kun la tuta Supra Engadino. La reformita preĝejo Sankt Rocchus estis konstruita en la jaro 1521. Ĝi restis filio de la paroĥo Silvaplana. Sub la nova administracia ordo de 1851 la vilaĝo estis dividita inter Silvaplana kaj Sankta Maŭrico. En publika baloto de la jaro 1883 kun nur unu plia nea voĉo la popolo kontraŭstaris kreon de memstara komunumo Champfèr.[2]
Notoj kaj referencoj
[redakti | redakti fonton]- ↑ Fonto: Silvio Margadant: Champfèr en Historia Leksikono de Svislando (2005-01-04)
- ↑ Fonto: Artikolo pri la vilaĝo en la vilaĝa retejo Arkivigite je 2011-08-29 per la retarkivo Wayback Machine
Eksteraj ligiloj
[redakti | redakti fonton]- Retejo de la vilaĝo Champfèr
- Champfèr en la Historia Leksikono de Svislando (germane, france, itale)
Bildoj
[redakti | redakti fonton]-
La rojo Ova da Suvretta, kiu dividas la vilaĝon inter la du komunumo Silvaplana kaj Sankta Maŭrico -
Reformita preĝejo de Champfèr -
Detalo de domo en la vilaĝo -
Orielo en la vilaĝocentro -
Strateto en la vilaĝocentro
