Constantin Meunier
| Constantin Meunier | |
|---|---|
| |
| Persona informo | |
| Aliaj nomoj | Meunier, C • Meunier, Constantin Emile • Mene, Konstantin |
| Naskiĝo | 12-an de aprilo 1831 en Etterbeek |
| Morto | 4-an de aprilo 1905 (73-jaraĝa) en Elsene |
| Tombo | Ixelles Cemetery |
| Lingvoj | franca |
| Ŝtataneco | Belgio |
| Alma mater | Akademio de Belartoj de Francio • Brusela Reĝa Akademio de Belaj Artoj |
| Familio | |
| Frat(in)o | Jean-Baptiste Meunier |
| Infano | Karl Meunier |
| Parencoj | Georgette Meunier |
| Okupo | |
| Okupo | pentristo • skulptisto • vidartisto |
| Verkoj | In the Black Country |
| TTT | |
| Retejo | https://www.fine-arts-museum.be/en/museums/musee-meunier-museum |
Constantin Émile Meunier (naskiĝis la 12-an de aprilo 1831 en Etterbeek apud Bruselo; mortis la 4-an de aprilo 1905 en Elsene/Ixelles same apud Bruselo) estis belgia skulptisto kaj pentristo. Lia verkaro apartenas al la ĝenro naturalismo.
Komence de sia arta kariero, Meunier pentris, precipe bildojn de religiaj temoj. Ekde 1880 li koncentriĝis pri la bildigo de laboristoj. Li konvinkiĝis ke tiun temaron li pli bone povas trakti per skulptistaj metodoj, kaj de tiam precipe agis kiel kreanto de skulptaĵoj. Socie li precipe konatiĝis kaj rekoniĝis pro siaj skulptaĵoj de laborantaj homoj. La idealigitan bildigon de laborantaj homoj en la 20-a jarcento daŭrigis la ideologie motivigita ĝenro de "socialisma realismo".
Retrorigarde, Constantin Meunier kaj George Minne konsideratas la plej signifaj belgiaj skulptistoj de la 19-a jarcento.
En Elsene/Ixelles nun aparta muzeo de la Reĝaj Muzeoj por Belaj Artoj de Belgio dediĉiĝas al lia verkaro.
