Damaska Universitato

El Vikipedio, la libera enciklopedio
Salti al navigilo Salti al serĉilo

La Universitato de Damasko (en araba: جامعة دمشق, Jāmi‘atu Dimaŝk) estas la plej granda kaj malnova universitato en Sirio, kun sidejo en la ĉefurbo Damasko kaj havas kampusojn en aliaj urboj de Sirio. Ĝi estis fondita en 1923 pere de la kunigo de la Altlernejo de Medicino (establita en 1903) kun la Jura Instituto (establita en 1913). Ĝis 1958 ĝi estis nomita Siria Universitato, sed la nomo ŝanĝiĝis post la fondo de la Universitato de Halepo. Estas naŭ publikaj universitatoj kaj pli ol dek privataj en Sirio. La Damaska universitato estis unu el la plej rekonataj universitatoj en Mezoriento antaŭ la milito en Sirio startis en 2011.

La Universitato de Damasko konsistas el kelkaj fakultatoj, institutoj, kaj altlernejo de flegozorgado. Unu el la institucioj specializiĝas en instruado de araba lingvo por eksterlandanoj, kiu estas la plej granda institucio siatipe en la Araba mondo.[1]

Bildaro[redakti | redakti fonton]

Notoj[redakti | redakti fonton]

  1. Spender, Tom. "A new 'Mecca of Arabic studies'?". The Christian Science Monitor. Alirita la 22an de majo 2019.