Germana film-instituto
| Germana film-instituto | |||||
|---|---|---|---|---|---|
volontula asocio 
| |||||
| Komenco | 1949 vd | ||||
| Geografia situo | 50° 6′ 18″ N, 8° 40′ 40″ O (mapo)50.1051298.677678Koordinatoj: 50° 6′ 18″ N, 8° 40′ 40″ O (mapo) | ||||
| Lando(j) | Germanio vd | ||||
| |||||
 Germana film-instituto | |||||
| |||||
| Retejo | Oficiala retejo | ||||
| Jura formo | registrita asocio de Germanio | ||||
La germana film-instituto (angle Deutsches Filminstitut, historia mallongigo, vidu sekvafraze, DIF) estas kin-scienca institucio en Frankfurto ĉe Majno.
La instituto fondiĝis la 12-an de aprilo 1949 je la nomo Deutsches Institut für Filmkunde (DIF, en Esperanto "germana instituto de film-scienco"). Tri jarojn pli poste, en 1952, fondiĝis la arkivo Deutsches Filmarchiv kiel memstara sekcio de la instituto. Pro administra reorganiziĝo kvar pliajn jarojn poste, do en 1956, la arkivo estis apartigita de la instituto. De la komenco ĝis 1959 la instituta direktoro estis Hanns Wilhelm Lavies, poste ĝis 1966 Max Lippmann, ĝis 1981 Theo Fürstenau, ĝis 1997 Gerd Albrecht kaj de tiam la direktorino estas Claudia Dillmann. La nunan nomon „Deutsches Filminstitut – DIF” la institucio havas ekde la 30-a de oktobro 1999.
La instituto disponas pri unu el la plej grandaj arkivoj de kinejaj filmoj en Germanlingvio kaj aldone pri unu el la plej ampleksaj materialaroj pri ĉiuj aspektoj de kinarto kaj filmproduktado. En marto 2006 la instituto fuziis kun la germana film-muzeo (Deutsches Filmmuseum) kaj de tiam havas sian sidejon en la muzea historia vilao proksime de pitoreska promenejo borde de la rivero Majno.[1]
La muzeo kaj sekve ankaŭ la instituto inter la jaroj 2009 kaj 2011 komplete trakonstruiĝis. La kostojn por tio, sume proksimume 12 milionojn da Eŭroj, grandparte transprenis la urbo Frankfurto kaj la federacia lando Hesio. Dum la konstrulaboroj la muzeo kaj instituto restis komplete fermitaj, kaj en nova dezajno la vilaa konstruaĵo reinaŭguriĝis la 12-an de aŭgusto 2011.
Projekto de la instituto estas:
- La eldonado de la cenzuraj decidoj de la berlina film-cenzurejo Film-Oberprüfstelle el la jaroj 1920 ĝis 1938
- COLLATE – kunlabora sistemo de notigo kaj indeksigo de arkivaj materialoj
- la retejo filmportal.de – malferma informejo pri la germanlingva kinarto, kaj
- la retejo filmarchives-online.eu – komuna reta katalogo de eŭropaj filmarkivoj.
La instituto membras en la nacia tegmenta asocio Deutscher Kinemathekenverbund (DKV, "germania ligo de kinarkivejoj")kaj la eŭropa tegmenta asocio Association des Cinémathèques Européennes (ACE, "asocio de kinarkivejoj eŭropaj").
Eksteraj ligiloj
[redakti | redakti fonton]- instituta retejo
- subretejo pri la cenzuraj decidoj de la berlina film-cenzurejo Film-Oberprüfstelle el la jaroj 1920 ĝis 1938
- subretejo pri la kunlabora sistemo de notigo kaj indeksigo de arkivaj materialoj COLLATE, jen germane Arkivigite je 2015-10-03 per la retarkivo Wayback Machine kaj angle Arkivigite je 2013-04-16 per la retarkivo Wayback Machine
- retejo filmportal.de, malferma informejo pri la germanlingva kinarto
- retejo filmarchives-online.eu, komuna reta katalogo de eŭropaj filmarkivoj Arkivigite je 2007-07-18 per la retarkivo Wayback Machine
- retejo pri la internacia infanfilma festivalo LUCAS
- "iru orienten" – retejo pri festivalo de kinarto en centra kaj orienta Eŭropo
- retejo "SchulKinoWochen Hessen" pri lernejaj kinartaj semajnoj en Hesio
- retejo de la eŭropa tegmenta asocio Association des Cinémathèques Européennes (ACE)
- retejo de la germana film-muzeo (Deutsches Filmmuseum), Frankfurto, kun kiu la instituto fuziis en januaro 2006
Notoj
[redakti | redakti fonton]50° 6' norde, 8° 40' oriente Mapo