Diademruĝvostulo
 | ||||||||||||||
|---|---|---|---|---|---|---|---|---|---|---|---|---|---|---|
_male.jpg) Diademruĝvostulo
 | ||||||||||||||
| Biologia klasado | ||||||||||||||
| ||||||||||||||
| Phoenicurus moussieri (Olphe-Galliard, 1852) | ||||||||||||||
| Konserva statuso | ||||||||||||||
Aliaj Vikimediaj projektoj
| ||||||||||||||
La Diademruĝvostulo (Phoenicurus moussieri) estas specio de birdo de la familio de Muŝkaptuledoj kaj la genro de Phoenicurus, Ruĝvostuloj laŭ popola nomigo aŭ Fenikuroj laŭ adapto de la scienca nomo. La latina scienca nomo de la genro devenas el latinigitaj vortoj de la antikva greka kiuj signifas “purpura” aŭ “ruĝa” (feniko) kaj “vosto” (uros) kaj fakte la plej karaktera eco de la genro estas longa ruĝeca vosto el la nuanco de brikopulvoro pli malpli.
Tiu birdo estas 13 cm longa. La masklo de Diademruĝvostulo havas nigran kapon kun larĝa blanka strio super ĉiu okulo kaj suben al la kolflankoj; el tiu strio devenas la nomo de Diademruĝvostulo. La supraj partoj estas nigraj krom la blankaj flugilmakuloj, kaj la tre ruĝecbruna vosto. La gorĝo kaj subaj partoj estas tre oranĝaruĝaj.
La pli malgranda kaj mallongvosta ino havas palbrunajn kapon kaj suprajn partojn, kaj la subaj partoj estas pli paloranĝaj ol ĉe la masklo, kvankam ĝenerale pli ruĝaj ol la subaj partoj de la simila sed iomete pli malgranda ino de la Komuna ruĝvostulo.
La rilatoj de tiu specio estas malklaraj. Ĝi ne estis inkludita en la studo de Ertan (2006), kaj ĝia biogeografio kaj kolorbildo estas partikularaj. Laŭ tiuj ĝi ŝajnas pli proksima al la Nigra ruĝvostulo kaj ties parencoj ol al aliaj specioj de ties genro tiaj kiaj la Komuna ruĝvostulo.
Ili estas endemiaj loĝantaj birdoj en la Atlasoj de nordokcidenta Afriko. Ties habitato estas malferma arbaro de rokaj areoj ĝis 3000 m de altitudo en montaro. La nesto estas konstruita en arbusto aŭ surgrunde kaj la ovodemetado estas tipe de 3-6 ovoj.
La kanto de la masklo estas miksaĵo de aspraj sonoj kaj notoj kiel svii-svii. La alvoko estas plendema soleca noto, hiih.
La Diademruĝvostulo manĝas kiel muŝkaptulo, farante aerajn eksaltojn super preterpasantajn insektojn.
Vidu ankaŭ
[redakti | redakti fonton]Referencoj
[redakti | redakti fonton]- BirdLife International (2004). Phoenicurus moussieri. Internacia Ruĝa Listo de Endanĝeritaj Specioj, eldono de 2006. IUCN 2006. Elŝutita 12a Majo 2006. Malplej zorgiga
- Ertan, Kemal Topaç (2006): The evolutionary history of Eurasian redstarts, Phoenicurus. Acta Zoologica Sinica 52(Supplement): 310–313. PDF plena teksto Arkivigite je 2014-05-25 per la retarkivo Wayback Machine