Enterprise Europe Network
| Enterprise Europe Network | ||
|---|---|---|
| organizaĵo • agentejo de Eŭropa Unio | ||
La Enterprise Europe Network (EEN) aŭ en Esperanto: Eŭropa Entreprena Reto estas reto por subteni malgrandajn kaj mezgrandajn entreprenojn en Eŭropo, administrata de la Eŭropa Komisiono. EEN ekestis el la kunfando de la iamaj Eŭro-Informcentroj kaj Innovation Relay Centers.
Ĝiaj agadoj estas parto de la Lisbona strategio por plifortigi la konkurencecon de eŭropaj entreprenoj. La Eŭropa Komisiono estas la iniciatinto de la Eŭropa Entreprena Reto kaj ankaŭ kunfinancas la agadojn en la diversaj EU-landoj.
Retaj centroj funkcias en ĉiu membroŝtato de la Eŭropa Unio, same kiel en kelkaj ne-EU-landoj (inkluzive de Usono, Ĉinio, Japanio, Rusio, Sud-Koreio, Ukrainio, Turkio kaj Norvegio). La nombro da centroj apartenantaj al la reto intertempe sumiĝas al ĉirkaŭ 600 centroj.
Servoj[redakti | redakti fonton]
Danke al la financado de la reto el publikaj financoj, ĉiu centro ofertas al malgrandaj kaj mezgrandaj entreprenoj senpagan aliron al identa aro da servoj, inkluzive de:
- helpas evoluigi novajn produktojn kaj helpos ilin plifortigi sian novigan kapablon
- helpo al entreprenoj por eniri la internacian merkaton,
- aliro al novigaj teknologioj, produktoj kaj avantaĝoj de partopreno en la ununura eŭropa merkato,
- aliro al EU-projektoj kaj financoj.
- helpo por trovi eblajn internaciajn komercajn partnerojn
- helpo por trovi informojn pri EU-leĝaro
La reto funkcias laŭ la principo "unu sola haltejo", kio signifas, ke la firmao ricevas aliron al la ĝusta kompetenteco ie ajn en la reto kontaktante sian landan aŭ regionan reprezentejon.