Ernest Rossi

Ernest Rossi
Persona informo
Naskiĝo	26-an de marto 1933 (1933-03-26) en Shelton
Morto	19-an de septembro 2020 (2020-09-19) (87-jaraĝa)
Lingvoj	angla
Ŝtataneco	Usono
Okupo
Okupo	psikoterapiisto psikologo

Ernest Lawrence ROSSI (naskiĝis la 26-an de marto 1933 en Shelton, Konektikuto; mortis la 19-an de septembro 2020) estis usona psikologo, psikoanalizisto, psikoterapiisto, instruisto, kaj publicisto en la tradicio de la Hipnoterapio de Milton H. Erickson. Li esploris la "psikobiologion de la mens-korpaj resanigaj potencoj" sur neŭrosciencaj kaj genetikaj bazoj. Rossi vivis kaj laboris en Los Osos, Kalifornio.

Vivo kaj laboro

Ernest Rossi studis farmacion en Konektikuto, psikologion en la ŝtata universitato de Vaŝingtonio kaj en la universitato Temple en Filadelfio, kie li ankaŭ doktoriĝis. Inter 1958 ĝis 1962 li trejniĝis kiel psikanalizisto laŭ Sigmund Freud. Li laboris ĉe la Mount Sinai Hospital en Los-Anĝeleso kaj kunlaboris kun la psikosomatikisto Franz Alexander. Li malfermis praktikon, unue en Los-Anĝeleso kaj poste en Malibu. Ernest Rossi estis edziĝinta al Sheila Rossi de 1963 ĝis 1977, la paro havas du filinojn.

Rossi kompletigis duan analizan trejnadon, ĉi-foje laŭ Carl Gustav Jung, kaj komencis publikigi. En 1972 li renkontis Milton H. Erickson, registris lian terapian laboron en sono kaj bildo, transskribis la materialon kaj analizis ĝin kune kun sia instruisto.

Meze de la 1980-aj jaroj li turnis sin al sia propra Menso-Korpo-Terapio kaj poste traktis la interagadon de menso kaj korpo, la psikosintezon de novaj proteinoj kaj la biologiaj atentocikloj, precipe en tranco. Lia formo de hipnoto uzas "ĉi tiujn naturajn procezojn kaj ciklojn de vivo". La tekniko de Rossi ankaŭ ebligas uzi ĉi tiujn resanigajn fazojn - en memhipnoto.

En 1988 Ernest Rossi komencis studi matematikon. Li aplikis nelinian dinamikon, adaptajn kaj kaosajn sistemojn al kreaj procezoj kaj ekzamenis la aplikon de diferencialaj ekvacioj al terapia hipnoto. Ekde 1992 li estas membro de la Matematika Asocio de Usono (Mathematical Association of America). Li interesiĝis pri psikobiologio en tre etaj procesoj kaj priskribas en sia libro de 2002 genetikajn ŝanĝojn en la senco de influado de strukturoj. Psikosocia dinamiko povas - laŭ Rossi - pozitive influi ĉelan kreskon, neŭrotranssendilojn kaj ciklojn, povas do stimuli kreskon, sed ankaŭ malhelpi aŭ detrui ĝin. Ĉi tio validas ankaŭ por kreemo kaj emocia kontento, ekzemple post sukcesa terapia sesio aŭ hipnoterapia sesio. Rossi metis la mens-korpan ligon kaj ilian reciprokan influon sur genetikan bazon.

Ernest Rossi estis tre produktiva verkisto kaj instruisto. Li publikigis 21 librojn kaj 124 artikolojn, redaktis tri revuojn kaj gvidis pli ol cent laborrenkontiĝojn tutmonde. Rossi fariĝis konata kiel la ĵurnalisma parolanto de sia instruisto Milton H. Erickson, kies kompletajn verkojn li publikigis en dek unu volumoj. En 1986 li ricevis la Viv-atingo-premion de la fondaĵo Milton H. Erickson. Ernest Rossi estis edziĝinta al la psikologo "Kathryn L. Rossi" ekde 1995.