Esoterismo
Esoterismo[1] (greke εσωτερική interna, kaŝita, sekreta scio) estas kolekta nocio por larĝa spektro de vivaspektoj kaj "sekretaj instruoj", kiuj akcentas la spiritan evoluon de la individuo, sed ne temas fakte pri religio en mallarĝa senco.
La komuna en la diversaj instruoj estas, ke oni supozas ekziston de fortoj kaj influoj krom la naturscience mezureblaj kaj tiel oni rigardas la sciencojn kaj la tradiciajn religiojn kiel limigitajn por kompreni la mondon. Tiel la esotera pensado staras en kontraŭdiro al la scienca bildo.
Historio[redakti | redakti fonton]
La klasika instruo de esoterismo okazis nur en fermitaj rondoj (ordenoj, loĝioj) nur al la anoj. Krom la okulta praktiko, oni instruis el la branĉoj de tarokoj, astrologio kaj nombromistiko sed oni povis ankaŭ lerni en kelkaj rondoj pri gnostiko, hermetikismo, kabalo, alkemio kaj rozkrucismo.
En la tempo de reĝino Viktoria, la okultismo kaj la diversaj formoj de orakoloj havis floradan tempon. Malpli populara estis la movado de spiritismo.
En la lastaj 150 jaroj, esoterismo transformiĝis al mondkoncepto, kies kredantoj taksas ĝin kiel universalan kaj kiel unuiĝon de instruoj de ĉiuj religioj. Ekde la 1980-aj jaroj, esoterismo tre disvastiĝis en la okcidenta kultura sfero.
Branĉoj[redakti | redakti fonton]
Plej gravaj branĉoj de la esoterismo:
- antropozofio
- astrologio
- gnostikismo
- hermetikismo
- kabalismo
- magio
- novpaganismo
- nov-epokismo
- okultismo
- omenologio
- rozkrucismo
- reiki
- novŝamanismo
- spiriteco
- antonismo
- spiritismo
- teozofio
- jogo
La plimulto de la esoteraj branĉoj akcentas spiritualismon kaj prilumiĝon de la individuo.
Esotera mondkoncepto baziĝas je 5 principoj:
- Praktika decidhelpo por la vivplanado
- Memrekono.
- Medicina (alternativa) helpo. (aromoterapio, Florterapio de d-ro Bach aŭ homeopatio.
- Spirita helpo.
- Plibonigo de la mondo.
La kritikantoj de la esoterismo nomas ĝin pseŭdoscienco.
Vidu ankaŭ[redakti | redakti fonton]
Referencoj[redakti | redakti fonton]
Bibliografio[redakti | redakti fonton]
- Thorwald Dethlefsen, Przeznaczenie twoją szansą. Psychologia ezoteryczna - prawiedza o doskonałości człowieka (Destino via ŝanco. Esoterisma psikologio - prascio pri perfekteco de la homo), el la germana originalo Schicksal als Chance. Esoterische Psychlogie - das Urwissen zur Vollkommenheit des Menschen enpoligis Beata Szymańska, Świat Książki, Varsovio 1995, p. 235, ISBN 83-7129-152-3