Esperanta antologio

Esperanta Antologio
	Esperanta Antologio
Aŭtoro	diversaj
Eldonjaro	1958
Eldoninto	Eldonejo Stafeto
ISBN	9290170301
	v • d • r

Esperanta Antologio estas antologio de poemoj en Esperanto preparita de la brita esperantisto William Auld.

Celo

„ Mi esperas, ke tiu ĉi antologio donos al la esperantista popolo ĝian minimuman kulturbazon. Mi esperas, ke de nun oni rigardos samideanon, kiu ne konas almenaŭ la ĉefajn poemojn en ĝi, kiel senhontan needukiton aŭ analfabeton… Mi esperas, ke de nun oni uzados tiun ĉi antologion en kursoj ; ke kompilontoj de kructvort- kaj aliaj enigmoj uzos citaĵojn el ĝi kaj donos al la poemoj de la Majstro iom da meritata ripozo ; ke la novaj verkistoj per ĝi profunde konatiĝos kun siaj antaŭuloj. Almenaŭ oni ne plu havos senkulpigon por tio, ke oni ignoras praktike tiun tradicion, kiun oni publike laŭdas. ”

— William Auld, unua eldono de la Esperanta Antologio

Eldonoj

Unue publikigita de Stafeto en 1958, kun la subtitolo Poemoj 1887-1957, ĝi iĝis poste lanĉita en dua eldono de UEA, reviziita kaj plikompletigita, en 1984, kun la subtitolo Poemoj 1887-1981.

Enhavo

Laŭ la postparolo de William Auld en la lasta eldono (majo 1982), « Tiu ĉi antologio enhavas 706 poemojn de 163 poetoj el 35 landoj de ĉiuj kvin kontinentoj — kaj tio prezentas nur tre malgrandan onon de nia tuta poezio ». Tiu postparolo de Auld kaj 36 paĝoj da biografiaj notoj finas la verkon. Ĝi estas ilustrita bindlibro kaj ero n-ro 1 de la Jubilea Kolekto de UEA.

Kontribuintoj

En la dua, pliampleksigita eldono aperis interalie poemoj de Ludoviko Zamenhof (paĝoj 1-6), Antoni Grabovski (paĝoj 7-10), Moses Goldberg (paĝoj 11-13), Sergij A. Bogoslavskij (paĝoj 14-15), Abraham aŭ Abram Kofman (paĝoj 16-22), Célestin Rousseau (paĝo 24), Vasilij Devjatnin (paĝoj 25-31), Marie Hankel (paĝoj 32-33), Maria Stanislavovna Tenner (paĝo 34), Stanislav Schulhof (paĝoj 35-38), Leo Belmont (paĝo 39), Albert Edward Styler (paĝo 40), Feliks Zamenhof (paĝoj 41), Roman Frenkel (paĝoj 42-45), Clarence Bicknell (paĝoj 46), John William Eggleton (paĝoj 47-49) ktp.

Eksteraj ligiloj

	Portalo pri Esperanto
	Portalo pri Literaturo