Felix von Kunowski

El Vikipedio, la libera enciklopedio
Jump to navigation Jump to search

Felix von Kunowski - naskiĝis la 10-an de aprilo 1868 en Wilkau (pole: Wilków) apud Namslau (pole: Namysłów), Supra Silezio, tiutempe parto de la germanlingva ŝtato Prusio, post 1871 de la Germana Regno; mortis la 1-an de decembro 1942 en Dresdeno - estis germana stenografo. Kun sia frato Albrecht von Kunowski li evoluigis la sistemon „Nationalstenografie“, do "nacia stenografio", por rapida notado de la germana lingvo. Internacie, li krome konatiĝis kiel inventinto de la artikulacia sistemo "parolspuro" (germane "Sprechspur") por rapida notado de teorie iu ajn lingvo, praktike adaptita por pli ol 30 lingvoj, inkluzive de Esperanto: La sistemon Parolspuro aparte ekde la jaro 1982 esperantlingve konatigas la Tutmonda Parolspuro-Asocio.