Filepitedoj

Kiel legi la taksonomionFilepitedoj
	; Maskla flavaventra filepito (Neodrepanis hypoxantha); en la nacia parko Ranomafana, Madagaskaro
Biologia klasado
Regno:	Animalia - animaloj;
Filumo:	Chordata - ĥorduloj;
Klaso:	Aves - birdoj;
Ordo:	Passeriformes - paseroformaj;
Familio:	Philepittidae - filepitedoj; Sharpe, RB, 1870
Genroj
	Philepitta Geoffroy Saint-Hilaire, I, 1838 - filepito; Neodrepanis Sharpe, RB, 1875;
Aliaj Vikimediaj projektoj
	Sistematiko en Vikispecioj
	Komunejo pri Filepitedoj
	v • d • r

La filepitedoj^[1] (latine Philepittidae) estas familio el la ordo de la paseroformaj birdoj. Ekzistas kvar specioj en du genroj. La tipa genro de tiu familio estas Philepitta, Esperantigita "filepito", sed ĝeneralige ĉiuj filepitedoj estas nomataj "filepitoj"^[1]. Ĉiuj filepitoj estas endemiaj de Madagaskaro.

Taksonomio

Laŭ AviList^[2], jen ĉi-sube la listo de la akceptitaj taksonoj por la tuta familio, kaj ties Esperantaj nomoj^[1]:

Passeriformes - paseroformaj
- Philepittidae - filepitedoj
  - Philepitta Geoffroy Saint-Hilaire, I, 1838 - filepito
    - Philepitta castanea (Müller, PLS, 1776) - velura filepito
    - Philepitta schlegeli Schlegel, H, 1867 - nigrakapa filepito
  - Neodrepanis Sharpe, RB, 1875
    - Neodrepanis coruscans Sharpe, RB, 1875 - longbeka filepito
    - Neodrepanis hypoxantha Salomonsen, F, 1933 - flavaventra filepito

Etimologio

La scienca nomo Philepittidae estas vortokunfando de du genroj, la eksa genro Philedon (el melifagedoj) kaj Pitta (pito) pro similecoj^[3].

Disvastiĝo

Filepitoj estas endemiaj en Madagaskaro, tio signifas ke ili troviĝas nur sur tiu insulo.

Aspekto

Temas pri malgrandaj birdoj – Neodrepanis coruscans longas nur 10 cm kaj similas al certio – sed ili havas malsveltan korpon. La vosto estas mallonga, la kruroj longaj, la beko pli mallonga ol la kapo. Estas evidenta seksa duformismo, tial la maskloj havas intensajn irizajn bluajn aŭ verdajn vizaĝajn karunklojn.

Vivo

Ili estas apenaŭ esploritaj, kaj oni nur malmulton scias pri ili, ĉar ili plejparte vivas kiel soluloj en la densa subkreskaĵo de arbaroj. Oni supozas, ke ili sin nutras per etaj fruktoj, ankaŭ per insektoj aŭ nektaro. Ili konstruas pendantajn nestojn.