Formo (botaniko)

El Vikipedio, la libera enciklopedio
Saltu al: navigado, serĉo

En botanika nomenklaturo, formo [1] ( latine : forma, pluralo formae ) estas unu el la "sekundaraj" taksonomiaj rangoj, sub tiu de vario, kiu siavice estas sub tiu de specio; ĝi estas infraspecia [2] taksono. Se pli ol tri rangoj estas listigitaj en priskribo de taksono, la "klasifiko" estas precizigita, sed nur tri partoj difinas la "nomon" de la taksono: genronomo, specionomo kaj infraspecia epiteto.

La mallongigo "f.", aŭ komplete, "forma" estas metenda antaŭ la infraspecia epiteto por indiki la rangon.

Ekzemple :

  • Acanthocalycium spiniflorum f. klimpelianum
    • Acanthocalycium spiniflorum forma klimpelianum (Weidlich & Werderm.) Donald
  • Crataegus aestivalis (Walter) Torr. & A.Gray var. cerasoides Sarg. f. luculenta Sarg. estas klasifiko de planto kies nomo estas :
    • Crataegus aestivalis (Walter) Torr. & A.Gray f. luculenta Sarg.

Formo kutime indikas grupon kun notinda sed duaranga devio. Ekzemple, blank-floraj formoj de specioj kiuj kutime havas neblankaj floroj povas esti nomataj "f. alba". Apomiksaj formoj ( Formae apomicticae ) kelkfoje estas nomitaj tiuj plantoj kiuj reproduktadas nesekse, apomikse. Iuj botanikistoj kredas ke oni ne bezonu la formojn, ĉar teorie ekzistas sennombraj formoj bazitaj sur duarangaj genetikaj diferencoj.

Vidu ankaŭ[redakti | redakti fonton]

Morpho didius Male Dos MHNT.jpg Rilataj artikoloj troviĝas en
Portalo pri Biologio

Referencoj[redakti | redakti fonton]

  1. Plena Ilustrita Vortaro 2002 p. 355
  2. Plena Ilustrita Vortaro 2002 p. 475