Fortnite
Fortnite | |
---|---|
![]() | |
Disvolvo | Epic Games |
Eldoninto | Epic Games |
Distribuo | Epic Games Store |
Muziko | Rom Di Prisco |
Platformo | Vindozo PlayStation 4 Nintendo Switch Xbox One macOS iOS iPadOS Android |
Ĝenro | kooperativa preterviva ludo |
Ludomaniero | unuludanta videoludo |
Regilo | komputila klavaro |
PEGI-klasifiko | Parental Guidance Recommended |
ESRB-klasifiko | Everyone to Teen |
Fortnite - proksimuma prononco [FORTnajt], mallonge por angle "fortune night", "fortuna nokto" - estas interreta videoludo disvolvita de la usona firmo Epic Games en Raleigh (Norda Karolino) kaj publikigita en 2017 (tutmonde krom en Ĉinio). Ĝi estas havebla en tri distingaj ludreĝimaj versioj, kiuj alie dividas la saman ĝeneralan ludan ideon: Fortnite: Savu la Mondon (angle save the world), kooperativa preterviva ludo por ĝis kvar ludantoj batalantaj kontraŭ zombioj, sorĉe vekitaj mortintoj kaj defendantaj objektojn per konstrueblaj fortikaĵoj; Fortnite - reĝa batalo (angle battle royale), senpaga interbatala ludo kie ĝis 100 ludantoj batalas por esti la lasta homo preterviva, kaj Fortnite kreema (angle creative), kie ludantoj ricevas kompletan liberecon krei mondojn kaj batalajn arenojn. La unuaj du ludaj reĝimoj estis publikigitaj en 2017 kaj kreema estis publikigita la 6-an de decembro 2018. Save the World estas havebla nur por Vindozo, macOS, PlayStation 4, kaj Xbox One, dum Battle Royale kaj Creative liberigis por tiuj platformoj kaj aldone por aparatoj de la sistemoj Nintendo Switch, iOS kaj Android.
Ĉiuj tri ludoj iĝis sukceso, sed el ili Fortnite Battle Royale fariĝis escepta sukcesego, tirante pli ol 125 milionojn da ludantoj en malpli ol unu jaro kaj enspezante centojn da milionoj da dolaroj monate. De tiam ĝi fariĝis tutmonda kultura fenomeno, aparte ŝatata inter adoleskuloj inter 12 kaj 21 jaroj.
![](http://upload.wikimedia.org/wikipedia/commons/thumb/f/f8/Fortnite_cosplayers_at_San_Diego_Comic_Con_2019_%2848351088527%29.jpg/400px-Fortnite_cosplayers_at_San_Diego_Comic_Con_2019_%2848351088527%29.jpg)