Greta Garbo

Greta Garbo
Persona informo
Greta Garbo
Naskonomo	Greta Lovisa Gustafsson
Naskiĝo	18-an de septembro 1905 (1905-09-18) en Stokholmo,  Svedio
Morto	15-an de aprilo 1990 (1990-04-15) (84-jaraĝa) en Novjorko,  Usono
Mortis pro	Naturaj kialoj vd
Mortis per	Pneŭmonito kaj rena malfunkcio vd
Tombo	Skogskyrkogården (mul) , kvarter 12A, gravnummer 1 59.27304 °N, 18.10475 °O / 59.27304; 18.10475 (mapo) vd
Religio	luteranismo vd
Lingvoj	angla • sveda vd
Ŝtataneco	Usono (1951–) Svedio vd
Alma mater	Dramatens elevskola (en) (1922–1924) vd
Subskribo
Familio
Patro	Karl Alfred Gustafsson (en) vd
Patrino	Anna Lovisa Johansdotter (en) vd
Gefratoj	Sven Gustafsson (en) kaj Alva Garbo (en) vd
Parencoj	Gray Reisfield (en) (nevino) vd
Profesio
Okupo	aktoro filmaktoro teatra aktoro vd
Laborkampo	Aktoro vd
Aktiva en	Holivudo vd
Aktiva dum	1920 - 1941
Honorigoj Honorigoj (1985)  Illis quorum (en) (1954)  Listo de Honoraj Oskar-premiitoj (1937)  Litteris et Artibus  Commander of the Order of the Polar Star (en)  stelo sur la Trotuaro de famo en Holivudo vd
En TTT	Oficiala retejo vd
vd	Fonto: Vikidatumoj

Greta GARBO (naskiĝis la  18-an de septembro 1905(nun 1905-09-18), mortis la 15-an de aprilo 1990) estis sveda aktorino. Ŝia origina nomo estis Greta Lovisa GUSTAFSSON.

Garbo naskiĝis en Stokholmo. Ŝian aktoran talenton malkovris la sveda reĝisoro Mauritz Stiller. En la jaro 1925 ambaŭ eklaboris en Hollywood, sed dum Stiller tie restis sensukcesa, Greta Garbo – kiu kontraste al multaj gekolegoj eĉ bonege majstris la transiron de mutaj al sonfilmoj – komencis eksterordinaran karieron. Plej ofte ŝi estis vidata en la rolo de mistera, nealirebla belulino. En la filmo Ninotchka (1939) ŝi surprizis la publikon per sia komedia talento, sed ŝia dua komedio The Two-faced Woman (1941) fiaskis. Tiu fakte eĉ estis ŝia lasta filmo: Post ĝia malsukceso Garbo subite deklaris la finon de sia filmkariero. Ĝis sia morto ŝi vivis tute retiriĝinte en Nov-Jorko.

Greta Garbo estis plurfoje nomumita por Oskar-premio. En 1955 ŝi ricevis Honoran Oskaron por ŝia vivoverko.

Listo de filmoj

Ramón Novarro kun Greta Garbo en Mata Hari (1931).

• Gösta Berlings Saga (Svedio, 1924)
• Die freudlose Gasse (Germanio, 1925)
• Anna Christie (Usono, 1930)
• Mata Hari (Usono, 1931)
• Grand Hotel (Usono, 1932)
• Queen Christina (Usono, 1933)
• Anna Karenina (Usono, 1935)
• Camille (Usono, 1936)
• Conquest (Usono, 1937)
• Ninotchka (Usono, 1939)
• The Two-faced Woman (Usono, 1941)

Esperanto

Ŝia patro - laŭ la libro Hetajro dancas de Eli Urbanová - estis esperantisto, kiun vizitis ĉeĥa esperantisto Jan Zemek. En tiu verko oni legas: Hazardo tion volis, ke li vizitis esperantiston Gustavson ĝuste en tiuj tagoj, kiam alveturis ties filino. Ŝi havis nigrajn okulvitrojn… Al Jan ŝi ŝajnis iel konata … Ankaŭ mirigis lin, ke ŝi posedas tiom da kofroj… Tion li tamen ne ekpensis, ke ŝi estas "dia Greta" kaj ke ŝi alvojaĝis rekte el Holivudo! Ĝis ŝi aperis ĉe la vespermanĝo. Sen la okulvitroj, ŝminkita, tia, kiel oni spektas ŝin sur la ekrano. Tio estis surprizo! Tio estis skandalo! Gustavson skuiĝis de ridego! Poste Greta montris al Jan sian ĉambron. Da tiuj afiŝoj, da tiuj pligrandigoj sur la muroj! Kaj ĉie: Greta Garbo, Greta Garbo … Greta invitita de la sveda reĝo por ludi kun li tenison permesis al Jan akompani ŝin. La atendado estis longa, sed por Jan ne gravis, almenaŭ li povis senĝene trarigardi la reĝan galerion ….

Vidu ankaŭ

• Muta kino
• 100 Jaroj... 100 Steluloj de AFI

Eksteraj ligiloj

• http://www.gretagarbo.de.vu Arkivigite je 2004-09-20 per la retarkivo Wayback Machine The Berlin-Garbo Archiv
• http://www.greta-garbo.de/galerie.html
• http://www.greta-garbo.de
• http://ent.sina.com.cn/s/u/2002-09-18/1020101288.html
• GarboForever: The Legend lives on - German website (Material about the Filmlegend Greta Garbo … Biography, Filmography, Stamps, Coins, Magazincover, Tabacco cards, Postcards ..........) Arkivigite je 2006-06-14 per la retarkivo Wayback Machine
• "Greta Garbo in den Ferien" by Martin Munkácsi Arkivigite je 2007-03-11 per la retarkivo Wayback Machine