Gufujo

El Vikipedio, la libera enciklopedio
Saltu al: navigado, serĉo
Teoj en gufujo dum la 52-a Internacia Seminario.
1-Stela plasta monero. En la antaŭparto de la monero aperas gufo, tio estas pro tio ke tiu ĉi monero estas la plej uzata en la gufujo.

Gufujo nomiĝas la nokta te-trinkejo dum esperanto-aranĝoj, precipe junularaj. Ĝi estis inventita kiel alternativa trinkejo (strikte sen fumado kaj sen alkoholo[1]), ĝi unuafoje okazis fine de 1995 dum Internacia Seminario en Veclaro, Germanio[2].

Gravaj aĵoj por la agrabla gufuja etoso estas kandeloj kaj literatura laŭtlegado aŭ koncerto de trankvila muziko. La oferto de multaj teoj kaj tizanoj kune kun taŭgaj aldonaĵoj (ekz. dolĉigiloj, kuketoj) estas ĉefaĵoj por gufujo.[3]

La nomo venas de la strigo-birdo "gufo", kiu aktivas nokte. Pro belsona kialo elektiĝis la finaĵo -uj-, kiu cetere havas pli vastan signifon (ekz. lando) ol -ej-.

Referencoj[redakti | redakti fonton]

  1. Mueller, Johannes. Kion fari en gufujo (c2013). arkivita el la originalo je 2014-10-15. Alirita 2014-10-09.
  2. kiel ekestis gufujo. la historio.. arkivita el la originalo je 2007-09-28. Alirita 2014-10-09.
  3. Mueller, Johannes. Kiel organizi bonan funkciantan gufujon (c2013). arkivita el la originalo je 2014-10-15. Alirita 2014-10-09.

Eksteraj ligiloj[redakti | redakti fonton]