Hachette

El Vikipedio, la libera enciklopedio
Saltu al: navigado, serĉo

Hachette et Cie ([aŝet' e kompanji'] "Hachette kaj kompanio") estas grava libroeldonejo en Parizo, kiu estis varbita al Esperanto de Bourlet en 1901. La firmao en multegaj urboj de la mondo havis filiojn kaj korespondantojn kaj pro tio ĝiaj eldonaĵoj estis facile riceveblaj. La barcelona eldonejo Espasa kontraktis la laboron por la hispana merkato. La firmao havis kontrakton kun Zamenhof kaj tiel aperis en ĝia eldono la fama Kolekto aprobita de d-ro Zamenhof, kaj Esperanto: Kolekto de la Revuo. Hachette eldonis ankaŭ la gravan gazeton, La Revuo, 1908-1914. La firmao, ĉe kiuj montriĝis ankaŭ tendencoj por monopoli la tutan Esperantan libroeldonadon, post la Unua mondmilito likvidis sian E-an fakon.

Historio[redakti | redakti fonton]

La eldonejon fondis en 1826 Louis Hachette. Post 38 jaroj de agado ĝi iĝis monde konata. Evoluo de la firmao permesis en 1947 transpaŝi limojn de Francio 1947. Fine de la 20-a jarcento la firmao ricevis aktualan nomon Groupe Hachette Livre.

Esperantlingvaj publikaĵoj[redakti | redakti fonton]

Tiu-ĉi artikolo tiris informon el Enciklopedio de Esperanto.

Bibliografio[redakti | redakti fonton]

  • Jean Mistler, La Librairie Hachette de 1826 à nos jours, Hachette, Paris, 1979, p. 407, ISBN 2-01-006861-0, unua eldono en 1964
  • Jean-Yves Mollier, Louis Hachette (1800-1864), Fayard, Parizo 1999, p. 554 ISBN 2-213-60279-4

Eksteraj ligiloj[redakti | redakti fonton]