Harold Wilson
Harold WILSON (11-a de marto 1916 – 24-a de majo 1995) estis brita politikisto kaj ĉefministro.
Li naskiĝis en Huddersfield la 11an de marto 1916. Li estis edukita ĉe la Universitato de Oksfordo kaj multaj opinias,ke li estis unu el la plej intelektaj politikistoj de la 20-a jarcento. Li lernis Esperanton en knabaĝo kaj partoprenis Esperantan tendumadon en Nederlando en 1930.[1]
En 1945 Wilson elektiĝis al la parlamento por la urbo Ormskirk en la provinco Lancashire. En 1963 li fariĝis la estro de la Laborista Partio. En 1964 li fariĝis ĉefministro en nova registaro. En 1976 li subite rezignis kaj James Callaghan prenis la postenon de ĉefministro. Mallonge post sia rezignado li malsaniĝis kaj fine mortis la 24-an de majo 1995.
Li opiniis, ke lia plej grava atingo estis la kreado de la Open University (Malfermita Universitato) – studentoj studas perpoŝte, televide, interrete kaj samtempe laboras en la propra profesio, do kompreneble oni bezonas pli da studjaroj por gajni diplomon.
Kiel junulo li estis skolto kaj lernis Esperanton.[1]
Referencoj
- ↑ Peter G. Forster: The Esperanto Movement, p. 280