Heinz Kloss
| Heinz Kloss | |
|---|---|
| Persona informo | |
| Naskiĝo | 30-an de oktobro 1904 en Halle |
| Morto | 13-an de junio 1987 (82-jaraĝa) en Groß-Gerau |
| Lingvoj | germana |
| Ŝtataneco | Germanio 
|
| Alma mater | Humboldt-Universitato en Berlino Universitato Marteno Lutero de Wittenberg-Halle
|
| Okupo | |
| Okupo | lingvisto
|
Heinz Kloss (naskiĝis la 30-an de oktobro 1904, mortis la 13-an de junio 1987) estis germana lingvosociologo kaj internacie rekonita aŭtoritatulo pri lingvaj minoritatoj kaj lingvopolitiko. Li ankaŭ kontribuis al la Valdorfa pedagogio.
Kloss aparte interesiĝis pri la socia kaj jura statuso de unuopaj lingvoj kaj dialektoj. Li enkondukis la tri sekvajn terminojn en la lingvosociologion kaj sociolingvistikon:
- Ausbausprache 'ellaborlingvo': lingvoformo kun normigita gramatiko, ortografio kaj prononco, kaj kun pli granda vortprovizo ol tiu kiu estas tipa por lokaj dialektoj.
- Dachsprache 'tegmentolingvo': normlingvo kiu uziĝas por superregiona kaj skriba komunikado ene de lando.
- Abstandsprache 'distancolingvo': lingvo kiu estas konsiderata kiel aparta lingvo kaj ne kiel dialekto de loka tegmentolingvo (normlingvo) ĉar ĝi estas tro malsimila al tiu.
Publikaĵoj
[redakti | redakti fonton]- Kloss, H. (1967) "Abstand languages and Ausbau languages" en Anthropological Linguistics 9: 29-41.
- Kloss, H. (1969) Grundfragen der Ethnopolitik im 20. Jahrhundert: Die Sprachgemeinschaften zwischen Recht und Gewalt. Wien, Braumüller.
Kloss publikigis proksimume 400 kromajn artikolojn kaj librojn.
Eksteraj ligiloj
[redakti | redakti fonton]- Biografio germanlingva Arkivigite je 2007-09-28 per la retarkivo Wayback Machine