Himmelpforten (laŭvorte "ĉielaj pordegoj") estas komunumo en Germanio. Ĝi troviĝas en la distrikto Stade de la federacia landoMalsupra Saksio. Fine de decembro 2015 la komunumo havis 5 127 loĝantojn. Ĝi konsideriĝas parto de la metropola regiono Hamburgo. Samtempe la komunumo estas la administra sidejo de samnoma komunumaro, germanlingve nomata Samtgemeinde Oldendorf-Himmelpforten, kreita la 1-an de januaro 2014 el la antaŭaj komunumaroj Oldendorf kaj Himmelpforten. La nordokcidentan limon de la komunuma teritorio konsistigas la rivero Oste.
