Homado

El Vikipedio, la libera enciklopedio
Saltu al: navigado, serĉo
La Maĥoj
Gefiloj de Eriso

Homado estis la nomo de diversaj roluloj de la helena mitologio:

Homado, la maĥo[redakti | redakti fonton]

Homado estis dajmono kiu personigis la bruegon de la bataloj, la kriojn de la soldatoj kaj la teruran sonon de armil-frapado[1]. Oni konsideris lin unu el la Maĥoj, kiuj kutime akompanis Areson dum liaj kampanjoj; fakte, pro liaj atributoj, Homado multe similis al Kidojmo. Li, kune kun liaj teruraj gefratoj, estis skulptita sur la ŝildo de la heroo Heraklo, por panikigi liajn kontraŭlojn.

Kiel multaj el la malbonaj spiritoj, li estis filo de Eriso (Malkonkordo), sen alies interveno.

Homado, la ĉevalviro[redakti | redakti fonton]

Homado estis ankaŭ ĉevalviro, kiu volis ŝteli la vinon de Folo. Li ankaŭ klopodis seksperforti Alkionon, fratino de Eŭristeo[2]. Heraklo mortigis lin en Arkadio, akirante pro tio grandan famon, tial kial li venĝis la honoron eĉ de malamiko[3].

Eksteraj ligiloj[redakti | redakti fonton]

Notoj kaj referencoj[redakti | redakti fonton]

<references>

  1. Ŝildo de Heraklo, 139 kaj sekv.
  2. Apolodoro. Mitologia biblioteko, 2.4.5.
  3. Johano Tzetzes. Pri Likofrono, 670.