Insuloj de Lerino

El Vikipedio, la libera enciklopedio
Salti al navigilo Salti al serĉilo
La insuloj de Lerino
Mapo de Insuloj de Lerino

Insuloj de Lerino (france: Îles de Lérins) estas insuloj en la Mediteranea maro, lokitaj ĉe Lazura Marbordo. Administre, ili apartenas al municipo de Cannes.

La insularo konsistas el du loĝataj (Sainte-Marguerite kaj Saint-Honorat) kaj pluraj neloĝataj insuloj kaj rokoj. Insulo Sainte-Marguerite (latine: Lerina) estas fama pro sia fortikigita malliberejo, kaj Saint-Honorat (latine: Lero) pro sia abatejo.

Estas konate ke la insuloj estis loĝataj ekde la tempo de Antikva Romo, kaj ĉirkaŭ 410 Honorat de Arles fondis monaĥejon, kiu havis influon sur la kristana eklezio trans suda Gaŭlio kaj en kiu vivis multaj sanktuloj, inkluzive de Sankta Patriko[1]. Poste, en Sainte-Marguerite estis konstruita fortikaĵo Fort Royal, kiu servis kiel malliberejo. Dum kelka tempo estis enkarcerita la viro kun fera masko.

La insuloj havas regulan pram-servon al Cannes.

Dum la Revolucio, la Insuloj de Lerino alprenis la nomon Insuloj Marat kaj Lepeletier.

Referencoj[redakti | redakti fonton]

Koordinatoj: 43°30′54″N 7°2′42″E  /  43.515°N, 7.045°O / 43.515; 7.045 (Insuloj de Lerino)

Fonto[redakti | redakti fonton]

En tiu ĉi artikolo estas uzita traduko de teksto el la artikolo Леринские острова en la rusa Vikipedio.