Jacques (restoracio)
.jpg)
Jacques estis francastila restoracio, kiu situis en la kvartalo Gold Coast de Ĉikago, Usono de 1935 ĝis 1983. Ĝi estis unu el la plej malnovaj francastilaj restoracioj de la urbo. Oni taksis ĝian imiton de la franca kuirarto malaŭtentika, sed ĝi estis fama pro korto ornamita per eleganta florĝardeno, kie eblis manĝi dum la somero.[1][2]
La restoracio estis fondita de Jacques Fumagally (origine Fumagali), enmigrinto naskita en Monako. Ĝia unua versio ekzistis ĉe la adreso 180 East Delaware Place en la kvartalo Streeterville de 1928 ĝis 1935.[3][4] En 1935, Fumagally translokigis sian entreprenon al 900 North Michigan Avenue en Gold Coast. La somera korto estis planata de la komenco[5] sed malfermita nur en 1937.[6] Jacques kunhavis la posedon de la restoracio kun sia frato Andre Fumagali, itala veterano de la Unua Mondmilito, ĝis ties sinmortigo en 1938.[7]
En 1954 Fumagally emeritiĝis kaj lian restoracion akiris la negocaj partneroj Ray Castro kaj Edison Dick kiel la duan en sukcesa grupo de similaj francastilaj ĉikagaj restoracioj, kiu iam atingis maksimumon de 16 membroj. Castro, kiu estis enmigrinto el Kubo, praktike mastrumis la restoraciojn, kaj Dick liveris la kapitalon.[8][9] Castro restis prezidanto post kiam la restoraciaro estis aĉetita de International Telephone & Telegraph Corporation (ITT) en 1969.
ITT asignis la restoraciojn al sia subfirmao Canteen Corporation,[10] kun kiu ili estis venditaj en 1973 al Trans World Airlines (TWA).[11] La reputacio de Jacques malboniĝis dum la posedado de TWA.[12] En 1980 ĝi estis vendita al la loka firmao Management Group, kaj en 1983 ĝi fermiĝis.[13] La konstruaĵo estis detruita kaj anstataŭigita per nubskrapulo.
Referencoj[redakti | redakti fonton]
- ↑ Pollack, Penny. 2010. "Top 40 Chicago Restaurants Ever." Chicago. [1]
- ↑ Loring, Kathryn. "Pick Your Spot and Plot Your Menu". Chicago Tribune. 6-a de septembro 1959, parto 7, p. 4.
- ↑ Drury, John. 1931. Dining in Chicago. New York: John Day Company. 143-144.
- ↑ "Jacques Leases Restaurant Space at 900 N. Michigan." Chicago Tribune. 28-a de aprilo 1935, parto 1, paĝo 24.
- ↑ "Jacques Leases Restaurant Space at 900 N. Michigan." Chicago Tribune. 28-a de aprilo 1935, parto 1, paĝo 24.
- ↑ Loring, Kay. "Front Views & Profiles". Chicago Tribune. 24-a de januaro 1969, sekcio 2, paĝo 10.
- ↑ "Andre Fumagali, Chef at Jacques', Is Found Hanged". Chicago Tribune. 3-a de novembro, 1938, p. 18.
- ↑ Loring, Kay. "Success Story in Cafe World: Five Top Flight Spots." Chicago Tribune. 17-a de novembro 1963, sekcio 5, paĝo 13.
- ↑ Forpasanonco de Ray Castro. Chicago Tribune. 18-a de januaro 1976, sekcio 3, paĝo 18.
- ↑ Loring, Kay. "Founder of Cafe LaTour Returns to the Helm". Chicago Tribune. 29-a de novembro 1973, sekcio 4, paĝo 16.
- ↑ Gruber, William. "Canteen Corp. Is Silver Lining in TWA's Dark Financial Cloud." 19-a de aprilo, 1976, sekcio 6, paĝo 11.
- ↑ Zell, Fran. "Rejuvenated Jacques: It's a Winner Again." Chicago Tribune. 18-a de novembro 1979, sekcio 6, paĝo 15.
- ↑ "Jacques Garden Shuts Down." Chicago Tribune. 1-a de novembro 1983, sekcio 3, paĝo 8.