Jean-Jacques Barthélemy

Jean-Jacques Barthélemy
Persona informo
Naskiĝo	20-an de januaro 1716 (1716-01-20) en Cassis
Morto	30-an de aprilo 1795 (1795-04-30) (79-jaraĝa) en Parizo
Religio	katolikismo vd
Lingvoj	franca vd
Ŝtataneco	Francio vd
Familio
Parencoj	François Barthélemy () André Barthélemy de Courcay (mul) () vd
Profesio
Okupo	antropologo numismatikisto religiulo arkeologo verkisto vd
Postenoj Postenoj seĝo 19 de la Franca Akademio (1789–1795) direktoro (1754–1795) vd
Honorigoj Honorigoj  Membro de la Reĝa Societo de Londono vd
Membrecoj Membrecoj Franca Akademio (1789–1795) Akademio de Surskriboj kaj Beletro de Francio (pensionnaire (fr) ) (1766–1795) Reĝa Societo de Londono vd
vd	Fonto: Vikidatumoj

Jean-Jacques BARTHELEMY (naskiĝinta la 20-an de januaro 1716 en Cassis, mortinta la 30-an de aprilo 1795 en Parizo) estis franca antikvecfakulo. Nevo lia estis la ministro François Barthélemy.

Vivo

Post studoj de teologio en Marseille li baldaŭ okupiĝis pri antikvaĵaj, konkrete numismatikaj studoj. En 1745 li dungiĝis ĉe la Reĝa monerkabineto en Parizo iĝonte en 1753 ties estro. Danke al akiroj multaj, speciale post kiam li vojaĝis tra Italujo inter 1754 kaj 1757, li aranĝis la tuton je unu el la plej riĉaj kaj bonordigitaj kolektoj siaspecaj en Eŭropo. Gloron internacian li gajnis per la verko »Voyage du jeune Anacharsis en Grèce« (Parizo 1788, 7 volumoj, kun atlaso), kie li trafe kaj bilde rakontis la sociajn cirkonstancojn dum la florotempo de la antikva Grekujo.

Romanverkiste li ankaŭ agadis per la laŭdire el la helena lingvo tradukita verko »Amours de Carite et de Polydore« (Parizo 1760). Antologion de liaj skribitaĵoj »Œuvres diverses« kolektis Sainte-Croix (1798), dume la verkaron kompletan »Œuvres complètes« eldonis en 1821 Villenave (kun biografio).

Fonto

Meyers Großes Konversations-Lexikon, volumo 2. Leipzig 1905, p. 404-405 (tie ĉi interrete)