John Heywood

El Vikipedio, la libera enciklopedio
Saltu al: navigado, serĉo

John HEYWOOD (n. ĉ. 1497, m. ĉ. 1580) estis angla verkisto kiu verkis teatraĵojn kaj poemojn kaj kunigis proverbaron.

Vivo[redakti | redakti fonton]

John Heywood naskiĝis en, aŭ proksime al, Londono. Ĉar li estis romkatolika, li translokiĝis al la kontinenta Eŭropo por eviti persekuton. Verŝajne li mortis en Belgio.

Li estis patro de Jasper Heywood, kiu tradukis tragediojn de Seneko la pli juna, kaj avo de la poeto John Donne.

Verkoj[redakti | redakti fonton]

Li verkis plurajn teatraĵojn kiuj plejparte ensceniĝis dum la 1530-a jardeko. Tamen li estas plej konata kiel kolektanto de proverboj. Lia proverbaro unue eldoniĝis ĉirkaŭ 1538, kaj dua eldono aperis en 1546. Ĝi enhavis multe da la plej konataj anglaj proverboj.