Josef Skupa

El Vikipedio, la libera enciklopedio
Salti al navigilo Salti al serĉilo
Josef Skupa
Manželé Skupovi při představení.jpg
Personaj informoj
Naskiĝo 16-an de januaro 1892 (1892-01-16)
en Strakonice
Morto 8-an de januaro 1957 (1957-01-08) (64-jara)
en Prago
Kaŭzo de morto korinfarkto
Tombo Ústřední hřbitov (Plzeň)
Ŝtataneco Ĉeĥio
Profesio pupteatristo, reĝisoro, aktoro, teatra reĝisoro
Lingvoj ĉeĥa lingvo
Familianoj
Edz(in)o Jiřina Skupová
v  d  r
Information icon.svg
Josef Skupa

Josef SKUPA (1892-1957) estis ĉeĥa pup-aktoro, fama precipe kiel patro de marionetoj Spejbl kaj Hurvínek.

Origine li estis profesoro de desegnado kaj de matematiko. En la jaroj 1917-1930 li reĝisoris pupteatron en Pilzeno, en 1930 li fondis propran pupteatron de Spejbl kaj Hurvínek, ekde 1945 en Prago.

La marionetoj Spejbl (patro) kaj Hurvínek (fileto) distingiĝas per grandaj oreloj, karakterizaj voĉoj kaj bonkora mallerteco (ili ĉion klopodas fari bone, sed ĉiam ĉion fuŝas, precipe la patro).

Josef Skupa donis al ili tiom originalajn voĉojn (kiujn li sciis majstre ŝanĝi kaj transiri de la patro al la filo kaj inverse), ke ankaŭ liaj daŭrigantoj (Miloš Kirschner) devis imiti la samajn voĉojn, alie la publiko ne akceptus ilin. Skupa eldonis ankaŭ plurajn sondiskojn pri Spejbl kaj Hurvínek, kiam la aŭskultantoj kompreneble ne vidas la pupojn, sed la voĉo kapablas karakterizi ambaŭ heroojn tute nekonfuzeble. Ili estas la plej popularaj pupoj en Ĉeĥio.