Jouxtens-Mézery

El Vikipedio, la libera enciklopedio
Jump to navigation Jump to search
Jouxtens-Mézery
Blazono de Jouxtens-Mézery
Blazono de Jouxtens-Mézery
Preĝejo de Jouxtens-Mézery
Preĝejo de Jouxtens-Mézery
Kantono Vaŭdo
Distrikto Laŭzano
Koordinatoj  46°33′10″N 6°35′51″O  /  46.55278°N, 6.5975°O / 46.55278; 6.5975 (Jouxtens-Mézery)Koordinatoj: 46°33′10″N 6°35′51″O  /  46.55278°N, 6.5975°O / 46.55278; 6.5975 (Jouxtens-Mézery)
Nombro de enloĝantoj 1358
Areo 1,93 km²
Alteco 525 m super marnivelo
Poŝtkodo 1008
Komunumkodo 5585
Mapo de Jouxtens-Mézery
Situa mapo de Jouxtens-Mézery
v  d  r
Information icon.svg

Jouxtens-Mézery estas komunumo en la distrikto Laŭzano en Kantono Vaŭdo, Svislando. Ĝi havis 1358 loĝantojn je la 31-a de decembro 2012.

Geografio[redakti | redakti fonton]

La komunumo Jouxtens-Mézery situas 4,5 kilometrojn nordokcidente de la kantonĉefurbo Laŭzano, al kies aglomeraĵo ĝi apartenas, sur la sudokcidenta deklivo de la montoĉeno Jorat en la Vaŭda Mezlando. La komunumo konsistas el la du vilaĝoj Jouxstens en sudo kaj Mézery en nordo de la komunumo.[1]

La teritorio de la komunumo etendiĝas sur areo de 1,93 km², de kiuj 7,8% estas kovritaj de arbaro, 44,0% servas por agrikulturo kaj 47,7% por setlado. [2]

Najbaraj komunumoj[redakti | redakti fonton]

La komunumo Jouxtens-Mézery limas en nordo al la eksklavo Bel-Air de Laŭzano, en nordoriento al Romanel-sur-Lausanne, en sudoriento al Prilly, en sudo al Renens, kaj en okcidento al Crissier.

Trafiko[redakti | redakti fonton]

Tra Jouxtens-Mézery pasas la kantona ĉefvojo n-ro 5 de Laŭzano al Yverdon-les-Bains. La komunuman teritorion ankaŭ trapasas la svisa aŭtovojo A9, kies plej proksima alveturejo situas 2 kilometrojn oriente de la komunumo. Pere de la mallarĝspura trama fervojlinio Laŭzano-Echallens-Bercher kaj diversaj lokaj buslinioj de Laŭzano la komunumo estas bone konektita al la publika transportreto.

Historio[redakti | redakti fonton]

La unua dokumenta mencio de Jouxtens datiĝas el la jaro 1185 kiel Jotens, kaj de Mézery el la jaro 929 kiel Masiriaco. En Mézery troviĝas la restaĵoj de signifa romia banejo kun termobanejoj. Dum mezepoko Joŭtens kaj Mézery apartenis al la katedrala kapitolo de Laŭzano. Sub la berna regado de 1536 ĝis la Helveta Revolucio de 1798 Jouxtens apartenis al la Voktejo Laŭzano, dum Mézery estis sidejo de senjora tribunalo. Ek 1798 Jouxtens.Mézery apartenis al la Distrikto Laŭzano.[3]

Notoj kaj referencoj[redakti | redakti fonton]

  1. Fonto: Reta mapo 1:20000 de Swisstopo
  2. Fonto: Komunumdatumoj de la retejo de la Svisa Federacia Oficejo pri Statistiko, retejo konsultita la 5-an de novembro 2011
  3. Fonto: François Béboux: Jouxtens-Mézery en Historia Leksikono de Svislando (2008-02-04)

Eksteraj Ligiloj[redakti | redakti fonton]