Karaĉajio-Ĉerkesio

	Karaĉajio-Ĉerkesio
	Карачаево-Черкесская Республика (ruse), Къарачай-Черкес Республика (karaĉaj-balkare), Къэрэшей-Шэрджэс Республикэ (kabarde)
	respubliko
Flago	Blazono
	Vikimedia Komunejo: Karachay-Cherkessia
	Retpaĝo: kchr.ru

Reviziita versio de ĉi tiu paĝo, aprobita je 12 apr. 2015, estis bazita sur ĉi tiu versio.

Karaĉajio-Ĉerkesio aŭ Karaĉajujo-Ĉerkesujo estas respubliko de la Rusia Federacio en Norda Kaŭkazio. Inter la jaroj 1922 kaj 1926 kaj duafoje inter la jaroj 1957 kaj 1991 la teritorio nomiĝis Karaĉaj-Ĉerkesa aŭtonoma distrikto.

Areo: 14,1 mil kvadrataj kilometroj;
Loĝantaro: 390 mil; inter ili 129 mil karaĉajoj, 40 mil ĉerkesoj kaj 170 mil rusoj.
Ĉefurbo: Ĉerkessk.

Neoficialaj nomoj

Oni foje uzas ankaŭ neoficialajn nomojn de teritorio(j) ene de Karaĉaj-Ĉerkesio:

Karaĉajio

Parto de Karaĉaj-Ĉerkesa Respubliko, kie la ĉefloĝantoj estas karaĉajoj. Inter la jaroj 1926 kaj 1943 tiu teritorio nomiĝis Karaĉaja aŭtonoma distrikto.

Ĉerkesio

Parto de Karaĉaj-Ĉerkesa Respubliko, kie plejparton konsistigas ĉerkesoj. Inter la jaroj 1926 kaj 1928 la teritorio nomiĝis Ĉerkesa nacia distrikto kaj inter la jaroj 1928 kaj 1957 Ĉerkesa aŭtonoma distrikto.