Kastelo Tirolo

Kastelo Tirolo
	Vido de Tirolo (vilaĝo)
kastelo • burgo
Geografiaj informoj
Lando	Italio
Geografia situo	46° 41′ 39″ N, 11° 8′ 41″ O (mapo)46.69413888888911.144805555556Koordinatoj: 46° 41′ 39″ N, 11° 8′ 41″ O (mapo)
	Kastelo Tirolo (Sudtirolo)
	Situo de Kastelo Tirolo
Konstruita	antaŭ 1100
Retadreso	https://www.schlosstirol.it/
	v • d • r

Reviziita versio de ĉi tiu paĝo, aprobita je 29 jan. 2014, estis bazita sur ĉi tiu versio.

Kastelo Tirolo (germane: Schloss Tirol, itale: Castel Tirolo) estas kastelo en la komunumo (municipo) de Tirolo proksime de Merano, en la Burgraviato, distrikto de Sudtirolo, Italio. Ĝi estis la praula sidloko de la Grafoj de Tirolo kaj donis al la tuta regiono sian nomon.

Historio

La kastelmonteto estis loĝita ekde antikvaj tempoj. Pluraj artefaktoj kaj unu kampo de tomboj de la frua mezepoko estis identigitaj. Arkeologoj elfosis preĝejon kun tri absidoj kiu originas de la frua kristana periodo.

La unua kastelo estis konstruita antaŭ la jaro 1100. La dua konstrufazo inkluzive de la loĝejturo datiĝas al 1140. Tria fazo de konstruo okazis en la dua duono de la 13-a jarcento sub grafo Meinhard-II de-Gorizia-Tirolo.

En 1347 la nepino de Meinhard, grafino Margareta de Tirolo estis sieĝita ĉi tie fare de la fortoj de la Luksemburgia reĝo Karolo la 4-a. Ŝi sukcesis defendi la kastelon.

La kastelo restis la sidloko de la regantoj de Tirolo ĝis 1420, kiam la Habsburga arkiduko Frederiko la 4-a (nomata Frederiko kun malplenaj poŝoj) movis la administran sidlokon al Innsbruck norden de la montpasejo Brenero.

Dum la sekvaj jarcentoj la kastelo ruiniĝis kaj partoj de ĝi falis en la tielnomita " Köstengraben", kruta gorĝo. Estis eĉ vendita kaj utiligita kiel ŝtonminejo. En la 19-a jarcento parto de la kastelo estis reestigita; la loĝejturo estis rekonstruita en 1904.

Koncerne arthistorion, la freskoj de la kapelo de la kastelo estas de speciala intereso same kiel du romanikaj portaloj kie luksaj marmoraj skulptaĵoj montras fablajn bestojn, religiajn temojn, kaj geometriajn ornamaĵojn.

Nuntempe, Kastelo-Tirolo enhavas la Sudtirolan Muzeon de Historio. Plej proksime al la kastelo ekzistas birdostacio kun hospitala sekcio.