Preĝejo Sankta Stefano Harding (Apátistvánfalva)

Kristana preĝejo de Sankta Stefano Harding, slovene ’’Cerkev Svetega Štefana Hardinga,’’ hungare ’’Harding Szent István-templom’’ estas romkatolika historia monumento en Hungario, en vilaĝo Apátistvánfalva.

Bazaj informoj[redakti | redakti fonton]

eklezio: romkatolika eklezio
departemento: Vas (Hungario)
diocezo Szombathely
dekanujo: Szentgotthárd
konsekrinto: János Szily
stilo: baroko
larĝo de muroj: 2m
alto de turo: 37m
sonoriloj: 2
kapacito: 2000 homoj

Historio[redakti | redakti fonton]

En tiu loko komence estis nur kapelo. La nun videbla preĝejo estis konstruita en 1786. Sakristio alkonstruiĝis en 1894. La orgeno estis farita en 1907, ĝi trakonstruiĝis en 1939, renoviĝis en 2007. En 2005 episkopo de Maribor metis memortabulon pri la servantaj pastroj sur la eksteran muron.

Konstruaĵo[redakti | redakti fonton]

La konstruaĵo estas la plej alta en la vilaĝo. Ĝi situas ĉe la tombejo kaj la lernejo. Ĉe la preĝejo troviĝas skulptaĵo pri Sankta Maria de 1899. La turo estas kvadrata kaj ĝi situas en mezo de la fasado, kie malsupre estas la enirejo. La navo interne havas 2 kapeletojn. La nun videbla altaro estis farita en 1895. La ĉefaltara bildo prezentas Sanktan Stefanon Harding, apude skulptaĵo estas videbla pri Emeriko de Hungario. Menciindas la freskoj.