Komunumo Širvintos

El Vikipedio, la libera enciklopedio
Salti al navigilo Salti al serĉilo
Širvintos
blazono de Širvintos situo en Litovio
Bazaj datumoj
ŝtato: Litovio
distrikto: Vilnius (Vilno, ĝis julio 2010)
administra centro: Širvintos
nombro de loĝantoj: 15 076 (en 2020)
en la urbo mem: 5 513 (stato 2020)
areo (komunumo): ĉ. 906 km²
internacia telefona prefikso: (+370) 382
koordinatoj: 55° 02' norde, 24° 58' oriente

Širvintos estas subdistrikta komunumo en la oriento de Litovio, litove formale nomata Širvintų rajono savivaldybė, prononco [ŜIRvinto raJOno savivalDI:be], "subdistrikta memregejo de Širvintos" - ĝia administra centro estas la samnoma urbo Širvintos. Komunumo kaj urbo ekde 1995 ĝis 2010 apartenis al la tiutempe ekzistanta distrikto Vilnius (Vilno), kaj troviĝas 50 kilometrojn nordoriente de la nacia kaj distrikta ĉefurbo Vilno, ĉe la aŭtoŝoseo Vilno-Rigo. En 2020 en la komunumo vivis 15 076 loĝantoj, el tio komence de 2020 en la urbo mem 5 513. Skribe la urbo unuafoje menciiĝis dum la jaro 1475.

Krom la urbon Širvintos, la komunumo inkluzivas la kvin pli etajn urbojn Bagaslaviškis, Čiobiškis, Gelvonai, Kernavė, Musninkai kaj 485 vilaĝojn. La plej signifaj riveroj de la regiono estas Neris, Širvinta kaj Musė. En la komunumo troviĝas 28 lagoj, la plej granda inter ili estas Alys (1,65 km²) kaj la plej profunda Gelvė (25 m). Same en la teritorio troveblas la historia rezervejo de Kernavė, la unua ĉefurbo de la mezepoka Grandduklando Litovio, vizitata ĉefe de turistoj kaj arkeologoj, kaj botanikaj rezervejoj por la beroj oksikokoj en Alionys, Bartkuškis kaj Lygaraistis.

Eksteraj ligiloj[redakti | redakti fonton]