Konferenco de Brazzaville

El Vikipedio, la libera enciklopedio
Salti al navigilo Salti al serĉilo

La Konferenco de Brazzaville estis kunsido de francaj politikistoj en la ekzilo kaj altrangaj oficiroj de la kolonioj okazinta en Brazzaville, kiu tiam estis la ĉefurbo de Franca Ekvatora Afriko, en januaro 1944. En ĝi oni diskutis la politikajn, sociajn kaj ekonomiajn reformojn plenumotajn en la Franca Kolonia Afriko.

Kunteksto[redakti | redakti fonton]

Post la invado de Francio fare de la germanaj trupoj de la Tria Regno dum la Dua Mondmilito kaj la posta aligo de la afrikaj francaj kolonioj al la registaro en ekzilo de Charles de Gaulle kontraŭ la Francio de Vichy (kunlaborema kun la germanoj), tiu lasta agnoskis la neceson revizii la rilatojn inter Francio kaj ĝiaj kolonioj en la afrika kontinento.

Deklaracio de Brazzaville[redakti | redakti fonton]

Kiel rezulto de la Konferenco oni interkonsentis dokumenton konatan kiel la Deklaracio de Brazzaville kiu diris la jenon:

  1. La Franca Imperio restos unuigita.
  2. Duonaŭtonomaj asembleoj establiĝos en ĉiu kolonio.
  3. La civitanoj de la francaj kolonioj kunhavos la samajn rajtojn kiel la naskitoj en Francio.
  4. La civitanoj de la francaj kolonioj havos la rajton elekti la reprezentantojn de la franca parlamento.
  5. La indiĝena loĝantaro de ĉiu kolonio povos plenumi publikajn postenojn ene de la areo de sia kolonio.
  6. Oni faros ekonomiajn reformojn por malpliigi la ekspluatadon de rimedoj en la rilato inter Francio kaj ĝiaj kolonioj.

Eksteraj ligiloj[redakti | redakti fonton]