Léon M'ba

El Vikipedio, la libera enciklopedio
Saltu al: navigado, serĉo

Gabriel Léon M'BA (n. la 9-an de februaro 1902 - m. la 27-an de novembro 1967) estis la unua prezidanto de Gabono ekde 1960 ĝis 1967. Oni ankaŭ skribas lian nomon "M'Ba" kaj "Mba".

Membro de la etno Fangoj, M'ba naskiĝis ene de relative bonhava familio. Li danke al sia zorga edukado estis nomumita de la kolonia administracio kiel kantonestro en la provinco Estuaire. En 1946, li komencis sian politikan karieron, kaj estis nomumita kiel ĉefministro el la 21-a de majo 1957 al la 21-a de februaro 1961. En 1958, li gvidis la aniĝon de Gabono al la franca-afrika komunumo. Li fariĝis prezidanto post la sendependiĝo el Francio la 17-an de aŭgusto 1960. Li estis denove voĉelektita en marto 1967, sed mortis en novembro de la sama jaro kaj estis anstataŭita de sia vicprezidanto, Omar Bongo.