La tero leviĝas

El Vikipedio, la libera enciklopedio
Salti al navigilo Salti al serĉilo
La foto "La tero leviĝas", kaptita la 24-an de decembro 1968.
La nigrablanka versio de la foto, kiel prenita de Frank Borman.
La poŝtmarko produktita de la Usona Poŝta Servo.

La tero leviĝas (en la angla: Earthrise) estas foto de la tero brilanta super la luno, fotita de la astronaŭto William Anders en 1968 dum misio de Apollo 8. La foto estis inkludita en la serio de la 100 plej influantaj fotoj de ĉiuj tempoj de Time Magazine kaj estas konsiderita "la plej influa media foto iam prenita". [1]

Detaloj[redakti | redakti fonton]

La tero leviĝas estas la nomo de foto de NASA, desegnita AS8-14-2383, kiu estis farita dum la misio Apollo 8. La komandanto de la misio, astronaŭto Frank Borman, prenis similan foton en nigroblanko antaŭ preni tiun foton. La foto estis prenita denove de astronaŭto William Anders per multkolora filmo, kaj fakte ĉi tiu estas la foto kiu gajnis diskonigon.

La foto estis prenita dum la orbito ĉirkaŭ la luno la 24-an de decembro 1968, uzante fotilon de varmarko Hasselblad. La fotilo havis filmon kiu estis speciale preparita de Kodak. Oni povas aŭskulti registradon [2] de la evento, en kiu la tri astronaŭtoj, Anders, Borman kaj Jim Lovell, parolas en la momento de la filmado.

Multaj kadroj estis filmitaj de ĉi tiu momento, kiel ankaŭ oni povas kompreni el la registrado de la okazaĵo, laŭ instrukcio de Borman. Post kiam Anders prenis foton (la fotaj agordoj estis 1/250 ĉiu sekundo kaj aperturo de F/11), Lowell ankaŭ prenis du pliajn fotojn, sed en malsamaj fotaj agordoj.

La aŭtobiografio de Borman enhavas tutpaĝan foton de reproduktaĵo de la nigrablanka foto, kiun li prenis de la evento, kune kun la fototeksto "Unu el la plej famaj fotoj en fotarta historio - prenita post kiam mi prenis la fotilon de Andreo". Borman plue notis en sia libro, ke ĉi tiu estas la foto, kiun la poŝta servo uzis por la poŝtmarko, kaj ne ekzistas multaj aliaj fotoj, kiuj estis duobligitaj kiel ĉi tiu foto. Sed kiel antaŭe skribite, la foto kiu aperas en la libro de Borman ne estas la sama kiel la foto farita de Anders, kiam krom la malsama loko de la tero, la formo de la nuboj ankaŭ estas malsama.

La foto aperas en libro eldonita de la revuo Life "100 fotoj kiuj ŝanĝis la mondon".

En 1969, la Usona Poŝta Servo produktis poŝtmarkon kun detaloj de ĉi tiu foto, kun la fototeksto "In the beginning God... "(En la komenco Dio...).

Efikoj[redakti | redakti fonton]

Oni konsideras, ke tiu foto multe helpis al la evoluigo de la tutmonda medikonservada movado, per la antaueniro de tutmonda konscienco pri la tre speciala komuna hejmo de la homaro inter la homoj de la tuta mondo, sendiference de ideologio, fono aŭ vivstilo.

Vidu ankaŭ[redakti | redakti fonton]

Piednotoj[redakti | redakti fonton]