Lawrence Ellison
| Lawrence Ellison | |
|---|---|
| |
| Persona informo | |
| Naskiĝo | 17-an de aŭgusto 1944 (79-jaraĝa) en Bronkso, Nov-Jorkio,  Usono
|
| Lingvoj | angla |
| Loĝloko | Malibu • Woodside |
| Ŝtataneco | Usono |
| Alma mater | Universitato de Ilinojso ĉe Urbana-Champaign • Universitato de Ĉikago • South Shore High School |
| Familio | |
| Patrino | Florence Spellman |
| Edz(in)o | Melanie Craft • Barbara Boothe • Nancy Wheeler Jenkins • Adda Quinn |
| Infanoj | David Ellison • Megan Ellison |
| Okupo | |
| Okupo | entreprenisto • komputosciencisto • piloto • aktoro |
| TTT | |
| Retejo | https://www.oracle.com/corporate/executives/larry-ellison/ |
Lawrence "Larry" Ellison (naskiĝis la 17-an de aŭgusto 1944 en la urboparto Bronkso de Novjorko) estas usona entreprenisto. Li estas la fondinto de la teknologia firmao Oracle, kies plej grava produkto estas las samnoma programaro Oracle; ekde la fondiĝo 14-a de junio 1977 ĝis septembro 2014 li estis ne nur posedanto, sed ankaŭ la efektiva ĉefo, aŭ en moderna vortumo ĉefa entreprena oficisto (ĈEO), de la firmao. Laŭ la Listo de miliarduloj de la usona ekonomia gazeto Forbes, li estis inter la plej riĉaj homoj de la mondo: en 2005 li havis posedon de 18,4 miliardoj da USD kaj laŭ la listo de Forbes estis la 9-a plej riĉa individuo tutmonde (eksklude de diktatoroj kaj monarkoj).[1] De tiam li kontinue estis inter la 10 plej riĉaj homoj, kaj dume ankoraŭ plialtigis sian rangon en la listo, ekzemple al la 6-a rango en 2010.[2] En la listo de 2023 li havis la 4-an rangon.
Referencoj[redakti | redakti fonton]
- ↑ originala listo de Forbes el 2005 (angle)
- ↑ arkivigo de la listo de Forbes el 2010 (angle, arkivigo de la 1-a de julio 2016)
