Lernejo por Lernantoj kun Difektita Vidkapablo Veljko Ramadanović
| Lernejo por Lernantoj kun Difektita Vidkapablo Veljko Ramadanović | |
|---|---|
| Situo | |
| Ŝtato | Serbujo |
La Lernejo por Lernantoj kun Difektita Vidkapablo Veljko Ramadanović estas mezlernejo por blinduloj en Beogrado, en la kvartalo Zemun, proksime al la flughaveno. La adreso estas Cara Duŝana 143, 11080 Zemun – Beograd.[1] Ĝi havas vastan senobstaklan korton.[2]
Veljko Ramadanović fondis la lernejon en 1916 kaj fariĝis ĝia direktoro. La konstruaĵo, antaŭe kazerno, estis donita al Ramadanović de Reĝo Petro la 1-a de Serbujo.[3] Esperanto estas instruata de 1920 ĝis nun,[4] kaj en la intermilita kaj komunisma periodoj ĝi estis deviga lernobjekto. Inter la mondmilitoj la lerneja presejo eldonis 26 brajlajn kaj 3 aliajn librojn en Esperanto.[5] En la Dua Mondmilito la kliŝaĵoj estis detruitaj kaj la SS mortigis direktoron Ramadanović.[6]
La Lernejo Veljko Ramadanović estis la kongresejo de la Kongreso de Serbiaj Esperantistoj en 2010[7] En 2024 ĝi gastigas la Internacian Kongreson de Blindaj Esperantistoj.[8]
Referencoj
[redakti | redakti fonton]- ↑ "Internacia Esperanto-Kongreso en Serbio". 2024. La Ondo de Esperanto. [1]
- ↑ Petrović, Radojica. 2024. "Kun LIBE en Beogrado aŭguste". Esperanto 1390(5), p. 106.
- ↑ Derks, Johan. "Bosnia vidhandikapulo instruas samsortanojn". En Kroniko de Balkanio: Antologio de Balkana Verda Stelo 2015-2017. Decembro 2015, p. 14.
- ↑ Bojana el Serbio. 2010. "La kongreso de serbiaj esperantistoj". Informilo 301(26). [2].
- ↑ Gonin, Raymond, kaj Krchňák, Rudolf (red.). 1990. Historio de la Esperanto-movado inter la blinduloj 1888-2015, vol. 3. 183-4. [3]
- ↑ Kreitz, Josef (red.). 1972. Historio de la Esperanto-movado inter la blinduloj 1888-2015, vol. 1, parto 2. 39. [4]
- ↑ Bojana el Serbio. 2010. "La kongreso de serbiaj esperantistoj". Informilo 301(26). [5].
- ↑ Bojana el Serbio. 2010. "La kongreso de serbiaj esperantistoj". Informilo 301(26). [6].