Les Geneveys-sur-Coffrane

El Vikipedio, la libera enciklopedio
Por samtitola artikolo vidu la paĝon Les Geneveys-sur-Coffrane (stacidomo).
Les Geneveys-sur-Coffrane
Blazono de Les Geneveys-sur-Coffrane
Blazono de Les Geneveys-sur-Coffrane
Blazono de Les Geneveys-sur-Coffrane
vilaĝo • former municipality of Switzerland
Kantono Neŭŝatelo
Komunumo(j) Val-de-Ruz
Koordinatoj  47° 1′ 0″ N 6° 51′ 10″ O / 47.01667 °N, 6.85278 °O / 47.01667; 6.85278 (mapo)Koordinatoj: 47° 1′ 0″ N 6° 51′ 10″ O / 47.01667 °N, 6.85278 °O / 47.01667; 6.85278 (mapo)
Areo 7,86 km²
Alteco 862 m super marnivelo
Poŝtkodo 2206
Mapo de Les Geneveys-sur-Coffrane
Mapo de Les Geneveys-sur-Coffrane
vdr

Les Geneveys-sur-Coffrane estis ĝis la 31-a de decembro komunumo en la distrikto Val-de-Ruz en Kantono Neŭŝatelo, Svislando. Kun efiko de la 1-a de januaro 2013 la ĝis tiam aŭtonomaj komunumoj Boudevilliers, Cernier, Chézard-Saint-Martin, Coffrane, Dombresson, Engollon, Fenin-Vilars-Saules, Fontainemelon, Fontaines, Le Pâquier, Les Geneveys-sur-Coffrane, Les Hauts-Geneveys, Montmollin, Savagnier, kaj Villiers estis kunigitaj al la nova komunumo Val-de-Ruz. LesGeneveys-sur-coffrane havis 1506 loĝantojn la 31-an de decembro 2009.

Geografio[redakti | redakti fonton]

Les Geneveys-sur-Coffrane situas meze inter Neŭŝatelo kaj La Chaux-de-Fonds en la valo de Ruz, ĉe la orienta piede la monto Mont Racine sur kies kulmino sur alteco de 1439 m s.m. situas la plej alta punkto de la komunumo. La teritorio de la komunumo etendiĝas sur areo de 7.86 km², de kiuj 40% estas kovritaj de arbaro, 53% servas por agrikulturo kaj 7% setlado.

Najbaraj komunumoj[redakti | redakti fonton]

La komunumo Les Geneveys-sur-Coffrane limas en nordo al Boudevilliers, en oriento kaj sudo al Coffrane, en sudokcidento al Montmollin, en okcidento al eksklavo de Coffrane, kaj en nordokcidento al La Sagne.

Trafiko[redakti | redakti fonton]

La komunumo situas flanke de la gravaj aŭtomobilaj trafikvojoj. La komunumo atingeblas per flanka vojo de la kantona ĉefvojo tra Les Geneveys-sur-Coffrane al Coffrane. La kantona ĉefvojo 1320 kaj la svisa aŭtovojo 20 de Neŭŝatelo tra Vue-des-Alpes al La Chaux-de-Fonds pasas sude de la komunumo. Tra la komunumo pasas la trajnlinio de Svisaj Federaciaj Fervojoj de La Chaux-de-Fonds al Neŭŝatelo, per kiu la komunumo estas bone konektita al la publika transportreto.

Historio[redakti | redakti fonton]

La unua dokumenta mencio de Les Geneveys-sur-Coffrane datiĝas el la jaro 1342 kiel Geneveis sus Corfranoz. Dum mezepoko Les Geneveys-sur-Coffrane estis parto de la Senjorujo kaj posta Majorujo Valangin. De 1486 ĝis 1827 Les Geneveys-sur-Coffrane formis ĝeneralkomunumon kune kun Coffrane kaj Montmollin. Ek de 1828 ĝi ekzistas kiel aparta politika komunumo. Kun efiko de la 1-a de januaro 2013 Les Geneveys-sur-Coffrane kun 14 aliaj komunumoj de la distrikto kuniĝos al la nova komunumo Val-de-Ruz.[1]

Esperanto-Movado[redakti | redakti fonton]

En oktobro 2012 en Les Geneveys-sur-Coffrane okazis la 5-a Svisa Familia kaj Feria Esperanta Renkontiĝo sub aŭspicio de Svisa Esperanto-Societo. Tiu kunveno nomita SFERO okazis en fericentro Le Louverain 2 km super la vilaĝo Les Geneveys-sur-Coffrane.

Paralele, samtempe kaj samloke al la 5-a SFERO okazis internacia renkontiĝo de Grundtvig-programo pri Interkultura edukado, defio por multkultura Eŭropo. Tiu Grundvig-programo de Eŭropa Unio similas al programo Komenio aŭ programo Erasmus. La Grundtvig-programo subtenas aktivecojn por personoj laŭ la slogano de Grundtvig: lerni dum la tuta vivo, do koncernas personojn de iu aĝo. Pli ol dudek personoj partoprenis tiun staĝon, el Germanio, Francio kaj Katalunio.

Vidu ankaŭ[redakti | redakti fonton]

Notoj kaj referencoj[redakti | redakti fonton]

Eksteraj ligiloj[redakti | redakti fonton]