Lingva insulo Brodek
Lingva insulo Brodek (ankaŭ Konice), germane Sprachinsel Deutsch-Brodek-Wachtl, estis malgranda moravia germanlingva enklavo en distrikto Prostějov, kulture ligita kun proksima Hřebečsko. Ĝi troviĝis sudokcidente de Konice, en montetara regiono en norda rando de Drahana montetaro.
En la jaro 1938 tiu ĉi regiono fariĝis konsisto de teritorioj rezignitaj al Germanio, kiel longa terlango de Chornice al Brodek, kaj ĝi estis enmembrigita en Imperian regionon Sudetio, registara rondo Opava, distrikto Moravská Třebová. Post la dua mondmilito la ĉi tieaj germanoj estis ĉiuj ellandigitaj kaj la lingvoinsulo pereis.
Municipoj
[redakti | redakti fonton]La insulon kreis tiuj ĉi municipoj:
- Brodek u Konice (Deutsch-Brodek)
- Dešná (Döschna) – hodiaŭ kunkreskinta kun Brodek
- Labutice (Schwanenberg)
- Lhota u Konice (Öhlhütten)
- Runářov (Runarz)
- Skřípov (Wachtl)