Linosa

Pelagaj insuloj

Linosa estas la plej norda el la tri Pelagaj insuloj en la Mediteraneo.

La insulo apartenas al komunumo Lampedusa e Linosa en la itala Provinco Agrigent sur Sicilio. Tie loĝis en 2005 ĉirkaŭ 450 homoj.

Geografio

La insulo grandas ĉirkaŭ 5 km² kaj situas 170 km sude de Sicilio, 160 km oriente de Tunizio kaj 140 km okcidente de Malto. Ĝin dominas tri ne plu aktivaj vulkankrateroj: Monte Vulcano (195 m), Monte Rosso (186 m) kaj Monte Nero (107 m).

Historio

La insulon setligis kapitano Sanvisente en 1845 kun 40 homoj, kiuj komence vivis en kavernoj, kaj uzis malnovajn romiajn cisternojn por kapti akvon. Oni establis en la 1960-aj jaroj telefonkablon al Linosa el Sicilio, energiuzinon kaj malfermis lernejon. Oni instalis en 1973 sensaligejon.

Vidu ankaŭ

• Pelagaj insuloj
• Lampedusa

Eksteraj ligiloj

• hejma paĝo
• turisma info, germane