Louis Ducos du Hauron
| Louis Ducos du Hauron | |
|---|---|
| |
| Persona informo | |
| Naskonomo | Louis Arthur Montalembert Ducos |
| Naskiĝo | 8-an de decembro 1837 en Langon |
| Morto | 31-an de aŭgusto 1920 (82-jaraĝa) en Agen |
| Lingvoj | franca |
| Loĝloko | Savigny-sur-Orge • Lectoure • Agen |
| Ŝtataneco | Francio 
|
Subskribo 
| |
| Familio | |
| Frat(in)o | Alcide Ducos du Hauron (en) 
|
| Okupo | |
| Okupo | inventisto fotisto
|
Louis Ducos du Hauron (naskiĝis la 8-an de decembro 1837 en Langon, departemento Gironde, Francio; mortis la 31-an de decembro 1920 en Agen) estis francia pioniro de kolorfotografio.
Jam en 1862 li inventis plurajn metodojn por fari kolorfotografaĵojn kaj per adicia (RVB-kolormodelo) kaj per subtraha (CMFN-kolormodelo, t.e. cejana-malva-flava) kolormiksado. En 1868 li patentigis plurajn metodojn, kaj en 1869 li publikigis sian libron "Les couleurs en photographie" ("La koloroj en fotografio"). Lia fotografaĵo de la francia urbo Agen estas inter la entute unuaj fotoj en subtraha kolormiksado.
Li prezentis la unuajn kolorajn pigmentpresaĵojn laŭ la principo de subtraha kolormiksado: se oni fote lumigis tri negativaĵojn per ruĝa, blua kaj verda vitra filtrilo, faras travideblajn fotografaĵojn el ili kolorigitajn en la komplementaj koloroj cejana, flava kaj malva, kaj fine metas la tri travideblajn fotografaĵojn unu super la alia, montratas la originaj koloroj de la vidaĵo.
Komune kun Charles Cros li prezentis priskribon de simila procedo al la Societo Franca de Fotografiado (Société Francaise de Photographie). La du fotografiaj pioniroj sekve kunlaboris en pluaj esploroj.
Literaturo
[redakti | redakti fonton]- Brian Coe: Colour Photography. The first hundred years 1840–1940. ("Kolora fotografio. La unuaj cent jaroj 1840–1940".) eldonejo Ash & Grant, 1978, ISBN 0-904069-24-9