Luterana preĝejo (Paks)

Luterana preĝejo de Paks
Luterana preĝejo en Paks
konstruaĵo
Loko
Ŝtato	Hungario
Municipo	Paks
Bazaj informoj
Religio	kristanismo
Rito	luteranismo
provinco	Tolna
Arkitektura priskribo
Konstrustilo	novrenesanco
Konstruado	1881–1884
Specifo
Alto	42 m (turo)
Konstrumaterialo	masonaĵo
Ligiloj
Adreso	Paks, Kossuth utca 29.

La luterana preĝejo estas religia historia monumento en urbo Paks (Hungario).

Historio

Luteranaj grupoj en ĉirkaŭaĵo de Paks formiĝis ekde la 1550-aj jaroj. Paks mem jam en 1574 havis luteranan kirkon. Tamen en la sekvaj jardekoj pro dominado de turkoj la loĝantoj malpliiĝis, nur en la pli pacaj tempoj ekde la 1720-aj jaroj alvenis luteranaj germanoj. Ili eklezie unuiĝis kun similaj en Fadd kaj Dunaszentgyörgy ĉirkaŭ 1780, tial ili ricevis eklezian statuson. En la jaroj 1787 kaj 1788 ili konstruis preĝdomon kovritan per kanoj. En 1800 ankaŭ malgranda orgeno alvenis. La preĝdomo ekbrulis kaj cindriĝis en 1808 kune kun la paroĥo kaj luterana lernejo, sed la sakralaj havaĵoj estis savitaj. La dua preĝdomo funkciis inter 1812-1880, poste ĝi same cindriĝis. La nun videbla preĝejo estis konstruita inter 1881-1884, sed la nova orgeno en 1897. En 1944 militaj damaĝoj estiĝis, poste oni aĉetis harmoniumon anstataŭ la detruita orgeno. Ekde 1949 jam la riparita orgeno sonas. En 1969 la kirko estis renovigita, en 1983 pli nova paroĥo konstruiĝis.

Konstruaĵo

La preĝejo situas sola en korto, ŝtuparo kuras al la enirejo. En mezo de la fasado altiĝas la kvadrata turo. Dum la 1950-aj jaroj oni rigardis el la turo la ĉirkaŭaĵon por tuj anonci eblajn fajrojn. La ĉefenirejo troviĝas ĉe piedo de la turo. La turpinto estas okangula piramido, en la turo 3 sonoriloj sonoras. Interne super la tura enirejo estas videbla galerio por la orgeno. Interne la muroj estas blankaj. La ĉefaltara bildo prezentas krucifikson.

Fontoj

• oficiala paĝo
• hungare kun fotoj
• hungare kun foto
• hungara priskribo

• 
  Luteranaj preĝejo kaj lernejo en Paks
• 
  Flankenirejo
• 
  Galerio
• 
  Interna parto