Luxor Hotel

El Vikipedio, la libera enciklopedio
Jump to navigation Jump to search
La sfinkso kaj la piramido

Luxor Hotel estas hotelo kaj kazino situanta en Las Vegas Strip en Paradise (Nevado), Usono. Temas pri unu el la grandaj turismaj kompleksoj kiuj koncentriĝis sur unu temo. La elfosaĵoj por la konstruado de Luxor komenciĝis en 1991, en la sama jaro kiam komenciĝis la Treasure Island kaj la nuna MGM Grand. Ĝia temo estas la Antikva Egiptio kaj entute enhavas 4,408 ĉambrojn ĉiuj ordigataj en la interno de piramido kaj kun du ĝemelaj ziguratoj kiuj estis poste aldonitaj. La hotelo ŝuldas sian nomon al Luksoro (antikva Tebo) en Egiptio, la loko de la Valo de la Reĝoj, Karnak kaj la Luksor-templo, kaj aliaj faraonaj monumentoj, sed ne piramidoj.

Kiam ĝi inaŭguriĝis la 15-an de oktobro 1993, la piramido estis la plej alta konstruaĵo de la komplekso kaj elspeziĝis 375 milionoj da usonaj dolaroj por ĝia konstruado. Teatro kaj du aldonaj turoj kun 2.000 ĉambroj estis aldonitaj en 1998 kontraŭ 675 milionoj da usonaj dolaroj. En junio 2004, ĝi estis aĉetita de MGM Mirage.

Eksteraj ligiloj[redakti | redakti fonton]