Lívia Dobay
| Lívia Dobay | |
|---|---|
| Persona informo | |
| Naskonomo | Davidovics Lívia |
| Naskiĝo | la 15-an de majo 1912 en  Budapeŝto (Hungario)
|
| Morto | la 16-an de julio 2002 en  Vieno (Aŭstrio)
|
| Tombo | Neustifter Friedhof (en)  , Gruppe U6, Nummer 51 
|
| Ŝtataneco | Hungario
|
| Alma mater | Muzikakademio Franz Liszt
|
| Okupo | |
| Okupo | operkantisto
|
Lívia Dobay [dobai], malofte Livia Dobai, laŭ hungarlingve kutima nomordo Dobay Lívia estis hungara operkantisto (soprano). Ŝia origina familia nomo estis Davidovics [davidoviĉ].
Lívia Dobay [1] naskiĝis la 15-an de majo 1912 en Budapeŝto, ŝi mortis la 16-an de julio 2002 en Vieno.
Biografio
[redakti | redakti fonton]Lívia Dobay devenis el juda familio. Ŝi aĝis 3, kiam ŝi komencis lerni pianon. En la sekva jaro ŝi jam faris koncerton en Palaco Vigadó. Ŝi frekventis mezlernejon, poste ŝi lernis kantadon en Muzikakademio de Budapeŝto de Béla Szabados, Jenő Hubay kaj Imre Ungár. En 1932 ŝi plulernis en Italio, en la sekva jaro ŝi akiris diplomon en la Muzikakademio. Inter 1933 kaj 1956 ŝi estis membro de Budapeŝta Ŝtata Operejo. En la 1930-aj jaroj ŝi estis gastokantisto en Vieno kaj Sankta Luiso. Inter 1941-1945 ŝi povis kantadi nur antaŭ juda publiko pro la kontraŭjudaj leĝoj. Dum la hungara revolucio de 1956 ŝi disidis al Vieno, kie ŝi kantadis iomete, poste ŝi retiriĝis. post la disido la hungara ŝtato detruis la sonbendojn pri Dobay.
Ŝi edziniĝis en 1938, baldaŭ ŝi naskis filon.
El ŝia repertuaro
[redakti | redakti fonton]- Ruggero Leoncavallo: Pagliacci – Nedda (1933, debuta rolo)
- Jules Massenet: Thaïs - titolrolo
- Giacomo Puccini:
- La bohème - Mimi
- Madama Butterfly - titolrolo
- Turandot - Liu
- Giuseppe Verdi: Falstaff - Alice Ford (kritikistoj taksis ŝin la plej bona en tiu rolo)
- Richard Wagner:
- Das Rheingold - Wellgunde
- Götterdämmerung - Wellgunde
Ŝia sola filma rolo
[redakti | redakti fonton]- Dunaparti randevú (1936) - kantistino