Mainau

El Vikipedio, la libera enciklopedio
Saltu al: navigado, serĉo
La florbeleco de Mainau

La insulo Mainau estas, kun areo de 45 ha, la tria plej granda insulo de la Bodenlago. La insulo, kiu estas formita el molasaj kalkrokoj, situas en la nordokcidenta parto de la Bodenlago, en la Überlinger See, kiu formale konsideriĝas golfeto de la plej granda lagoparto, nomata Obersee. Ponto ligas la suda bordo de la Überlinger See kun la insulo, kiu krom tio ankaŭ havas ĝeton. La plej grandaj urboj en la ĉirkaŭaĵo estas Konstanz, Meersburg kaj Überlingen.

Administracie la insulo apartenas al la urboparto Litzelstetten-Mainau de Konstanz, sed estas posedaĵo de la dinastio de Bernadotte, nobela familio de sveda deveno. Lennart Bernadotte, grafo de Wisborg (1909-2004) transformis Mainau-on al botanika ĝardeno kaj ŝatata turista allogaĵo. Krom tio la insulo situas laŭlonge la tiel nomata Supra-Ŝvabia Barokstrato (germane: Oberschwäbische Barockstraße).

Eksteraj ligiloj[redakti | redakti fonton]