Monerstampejo en Jáchymov

El Vikipedio, la libera enciklopedio
Salti al navigilo Salti al serĉilo

Monerstampejo en Jáchymov situas en Bohemio, en placo en urbo Jáchymov, 30 km norde de urbo Karlovy Vary.

Monerstampejo en Jáchymov estas loko, kiu donis al Eŭropo unu el la plej bonaj monsistemoj. Konstruaĵo, konstruita en 1536, estas hodiaŭ rekonstruita kaj ĝi fariĝis muzeo de minado de ercoj, prilaborado de urano por uranaj farboj kaj loka banlokafero. En ties subterejo estas nove renovigita ampleksaj keloj, kie la ercoj estis rostita kaj arĝento plikvalitigata. La ampleksaj kelspacoj, inkluzive de spacoj servantaj al deponado de la arĝento kaj pli malfrue ankaŭ dokumentoj, ligas rekte al mezepoka minejsistemo. Akvoj el la monerstampejo kaj parto de la minejoj estis forkondukataj tra galerioj sub urbodomon.

Komence de la 16-a jarcento arĝent-trovejoj en saksia flanko de montaro Krušné hory estis preskaŭ elĉerpitaj. Feliĉa trovo de arĝenterco en la loko nomata Konradsgrün (Arbarhakejo de Konrad) ebligis en la 1516 estiĝon al ŝtorme evoluanta vilaĝo, kiu baldaŭ apartenis inter la plej dense loĝataj lokoj de la reĝlando. Ĝi ricevis noblan nomon – Valo de sankta Jáchym. Tiu germana Thal – la valo poste ebligis estiĝon al nomo de ĉi tiea monero – thalero – tolaro kaj poste eĉ dolaro. La usona arĝenta dolaro havis la identajn dimensiojn kun la thalero el Jáchymov kaj tial Jáchymov iam estas konsiderata kiel lulilo de usona dolaro.

Ankoraŭ unu ministan gloron, ĉifoje prefere malĝojan, Jáchymov kaj ties ĉirkaŭaĵo spertis. La minadon de urano. Ne jam por uranaj farboj, sed por strategia produktado. Preskaŭ ĉiuj historiaj minejoj estis reminitaj kaj profundigitaj novaj. Ĉefa centro de la postmilita minado de urano situas en spaco inter Nové Město (Nova Urbo) kaj Mariánská kaj de tie plu ĝis ŝoseo AbertamyBoží Dar. Pro ne antaŭlonga historio estas rimarkinda vilaĝo Mariánská, ŝajniganta idilian refreŝigejon. En la 50-aj jaroj de la 20-a jarcento tio estis minista vilaĝo, en kiu vivis, krom ministoj, eĉ inspektistoj de lokaj, neordinare krudaj laborgrupoj. Tiutempe la tuta ĉirkaŭaĵo estis fermita.

Kun minado koneksas ankaŭ radioaktiva banloko en Jáchymov. La unua banloka domo, provizata per varma radioaktiva akvo el la minejoj (ministoj trempantaj siajn piedojn en ĝi rimarkis, ke plifaciliĝas iliaj reŭmatismaj doloroj), estis konstruita en la jaro 1908. Sekvis kuracejoj Radium palaco, Běhounek kaj nova sanatorio Curie. Super la urbo leviĝas minejturo de minejo, en kiu oni pludaŭras fonton de radioaktiva akvo.

Vidu ankaŭ[redakti | redakti fonton]