Nigra betulo

El Vikipedio, la libera enciklopedio
Salti al navigilo Salti al serĉilo
Vikipedio:Kiel legi la taksonomionKiel legi la taksonomion
Nigra betulo
River Birch Betula nigra.JPG
Biologia klasado
Regno: Plantoj Plantae
Divizio: Angiospermoj Magnoliophyta
Klaso: Dukotiledonuloj dicotyledones
Ordo: Fagaloj Fagales
Familio: Betulacoj Betulaceae
Genro: Betulo Betula
Specio: B. nigra
Betula nigra
Aliaj Vikimediaj projektoj
v  d  r
Information icon.svg
Folioj.
Ritidomo de la nigra betulo.

La nigra betulo (Betula nigra), ankaŭ nomata rivera betulo estas mezgranda foliarbo. Ĝi hejmiĝas en la oriento de Usono.

Priskribo[redakti | redakti fonton]

La nigra betulo estas somerverda, fajna foliarbo, kiu kreskas ĝis 25 m alte. Unuopaj ekzempleroj povas kreski ĝis 30,5 m kaj atingas trunkan diametron de 1,5 m. La arbo kreskas kun pluraj trunkoj kaj havas rondecan, maldensan kronon. La arboŝelo ĉe trunko kaj branĉoj estas ruĝa ĝis flave bruna. Ĝi fariĝas dum la jaroj pli malhelaj ĝis nigra kaj malmola kaj malfajna. La trunko havas nigrajn, horizontalajn korkporoj. La ŝosoj estas dense haraj. La folioj estas rombaj ĝis ovformaj, 4 ĝis 8 cm longaj kaj 3 ĝis 6 cm larĝaj, pintaj kaj kun kojnoforma bazo, duoble segildentaj kaj mallarĝe lobaj. La supra folisurfaco brilas kaj la malsupra folisurfaco estas bluverda. La pedunklo longas ĉ. 1 cm kaj ankaŭ havas harojn. La aŭtuna koloro de la folioj estas flava. Kiel fruktoj la planto havas cilindrajn, 2,3 ĝis 4 cm longaj amentojn. La kromosomnombro estas .[1]

Disvastigo kaj ekologio[redakti | redakti fonton]

La natura disvastigejo de la nigra betulo etendiĝas de la nordoriento ĝis la sudoriento de Usono kaj atingas la preriajn ŝtatojn kaj Floridon. Tie la arbo kreskas en arbaroj kaj arbaj grupoj sur freŝa ĝis humida, acida ĝis neŭtrala, sabla-gravela grundo en alteco ĝis 300 m[1]. La arbo estas karaktera arbo de apudriveraj areoj.[1] Ĝi toleras indundojn.

Sistematiko[redakti | redakti fonton]

La nigra betulo (Betula nigra) estas specio el la genro Betulo (Betula), kiu apartenas al la subfamilio Betuloideae de la familio de la Betulacoj (Betulaceae).[2]

Uzado[redakti | redakti fonton]

La ligno estas uzata ofte, ankaŭ la arbo ofte estas plantata kiel ornamarbo pro sia bela aŭtuna koloro. [3]

Referencoj[redakti | redakti fonton]

  1. 1,0 1,1 1,2 angle Betula nigra.Flora of North America Vol. 3. 21a novembro 2010
  2. United States Department of Agriculture Resources Information Network (GRIN), TaxonNr=7118, 21a novembro 2010
  3. Roloff et al.: Flora der Gehölze, S. 140

Literaturo[redakti | redakti fonton]

Eksteraj ligiloj[redakti | redakti fonton]